«Jeneva-2»: Sırııa bıligi men oppozıtsııa arasyndaǵy kezdesý keıinge shegerildi
ASTANA. 24 qańtar. QazAqparat - Búgin bastalýy tıisti Sırııa bıligi men oppozıtsııa arasyndaǵy ekijaqty kelissózder belgisiz ýaqytqa keıinge shegerildi. BUU jáne Arab memleketteri lıgasynyń arnaıy ókili Lahdar Brahımıdiń qatysýymen ótýi tıisti mundaı kezdesýge oppozıtsııa tarapy qarsylyq tanytýda.
Reseıdiń «Jańalyqtar» aqparat agenttiginiń habarlaýynsha, bul jaıynda Sırııa prezıdentiniń keńesshisi Býseın Shaaban málim etken.
«Biz búgin kelissózder úderisin bastaýǵa tıisti edik. Alaıda, tańerteń Brahımı qońyraý shalyp, oppozıtsııanyń buǵan deıin josparlanǵan kezdesýden bas tartyp otyrǵandyǵyn habarlady», - dedi ol.
Shaabannyń atap ótýinshe, qazirgi ýaqytta Brahımı Sırııa oppozıtsııasynyń ókilderimen jáne el úkimetimen jeke-jeke kezdesýler ótkizýde.
«Osdan keıin ǵana biz protsestiń odan ary qalaı jalǵasatyn biletin bolamyz», - dedi ol.
