Jemisti jyldyń jeńisti jolǵa aınala berýin tileımiz – Darhan Qydyráli
Prezıdent saılaýy ótkenine bir jyl toldy. Senat depýtaty Darhan Qydyráli búginde Memleket basshysynyń saılaýaldy baǵdarlamasynda qandaı baǵyttar boıynsha jumystar atqarylǵanyna qysqasha toqtaldy.
«Osy bir jyldyń ishinde aýqymdy jumystar atqaryldy. Memleket basshysynyń saılaýaldy baǵdarlamarynda aıtylǵan birqatar másele naqty sheshimin tapty. Saıası reformalar jalǵasty. Májilis, Senat, máslıhat jáne aýdan/qala ákimderiniń saılaýy ótip, Parlament quramy jańardy.
Ekonomıkany monopolııasyzdandyrý boıynsha júıeli jumystar júrgizildi. Zańsyz satyp alynǵan jáne shetelge shyǵarylǵan aktıvterdi elge qaıtarý bastamasy boıynsha 1 trln teńge somasynda qarjy qaıtaryldy. «Ulttyq qor - balalarǵa», «Qýatty óńirler – eldi damytýdyń draıveri» jobalary qabyldandy. Aýyldyq aýmaqtardy damytý tujyrymdamasy aıasynda memleket menshigine 8 mln.ga paıdalanylmaǵan jer qaıtyryldy.
Ulttyq quryltaıda el damýynyń ıdeologııalyq baǵyttary aıqyndaldy. Qanshama halyqaralyq is-sharalar ótip, jemisti kelissózder júrgizildi. Munyń bári – qazirgideı aýmaly-tókpeli geosaıası ahýalda aıtýǵa ǵana ońaı aýqymdy jumystar. Sondyqtan jemisti jyldyń jeńisti jolǵa aınala berýin tileımiz», - dedi Senator.
