Jemshóp, jemis-jıdek jáne kókónis ósirýshilerge 6% lızıng beriledi

AQKÓL. QazAqparat – Otandyq jemshóp, jemis-jıdek jáne kókónis óndirýshiler endigi ýaqytta tehnıkany 6%-ben lızıngke ala alady. Bul jaıynda «QazAgroQarjy» AQ basqarma tóraǵasy Aıdar Prashev málim etti, dep habarlaıdy QazAqparat tilshisi.

«Bıyl maýsymda biz «Óz jemshóbimiz» (jem óndirýshiler úshin) jáne «Jasyl ónim» (jemis-jıdek, kókónis óndirýshiler úshin) jeńildetilgen baǵdarlamasyn bastadyq. Ol boıynsha fermerlerge burynǵy baǵdarlamalarmen salystyrǵanda úlken jeńildik jasalyp otyr. ıAǵnı jyldyq 6% jáne 15% avans. Lızıng merzimi - 10 jylǵa deıin. Atalǵan shara fermerlerge túsetin qarjylyq júktemeni aıtarlyqtaı jeńildetedi. Sáıkesinshe sharýashylyqtardyń qarqyndy damýyna múmkindik beredi», – dedi Aıdar Prashev Aqmola oblysynda ótip jatqan «Jańa Dala» mamandandyrylǵan kórmesi barysynda.

Onyń aıtýynsha, kompanııanyń basqa da baǵdarlamalary bar.

«Onyń ishinde «Ekspress-lızıng» (eń az qujatpen ótinim 5 jumys kúni ishinde qaralady), «Master lızıng» (bir jyl ishinde berilgen ótinim negizinde tehnıkany lızıngke qujattar paketin qaıta usynbaı alý múmkindigi). Sondaı-aq, «Senimdi fermer» adaldyq baǵdarlamasy qarastyrylǵan», - deıdi ol.

Aıta keteıik, búgin-erteń Aqmola oblysynda dástúrli «Jańa Dala/Green Day» dala kúni mamandandyrylǵan kórmesi ótip jatyr.