Jemis-jıdekten ýlanýdan qalaı saqtanǵan durys

QYZYLORDA. KAZINFORM - Jaz aılarynda qaýyn-qarbyz jáne jemis-jıdekten ýlaný jaǵdaıy kezdesip jatady. Odan saqtaný joly qandaı? Osy oraıda Qyzylorda oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymovanyń keńesine nazar aýdarǵan edik.

«Qaýyn-qarbyzdy senimdi jáne tekserilgen satýshylardan satyp alýǵa keńes beremiz. Ony kólik joly boıynan satyp alýdan aýlaq bolǵan durys. Óıtkeni jıdekterdiń betine gaz qaldyǵy túsýi múmkin. Saýda nysandarynda ónimniń sapasy men qaýpsizdigin rastaıtyn qujattar bolýy kerek. Atap aıtqanda, olardyń qatarynda sáıkestigi týraly deklaratsııa, fıtosanıtarııalyq sertıfıkat bar», - dedi Álııa Ábdiqaıymova.

Satyp alǵannan keıin qaýyn-qarbyzdy tońazytqyshta, taza, jabyq konteınerde, bakterııalardyń kóbeıýine jol bermeý úshin shıki ónimderden bólek saqtaǵan abzal.

«Zııandy toksınderdiń jınalýyn jáne yqtımal ýlanýdy boldyrmaý úshin kesilgen qaýyn-qarbyzdy bir kúnnen artyq saqtamańyz. Egerde siz qaýyn-qarbyzdy kesken kezde ádetten tys ıisti, dámdi sezip, quramynyń ózgesheligin baıqasańyz, ony jeýden bas tartqanyńyz durys. Qaýyn-qarbyzdy jegennen keıin ózińizdi jaısyz sezinip, ýlaný belgilerin baıqasańyz dereý dáriger kómegine júginińiz. Ózin-ózi emdeýge bolmaıdy», - dep tolyqtyrdy Á.Ábdiqaıymova.