Jemniń qymbattaýy qus ósirý salasyna keri áser etip otyr
«Qazirgi kezde qusqa arnalǵan jem boıynsha problema baıqalyp otyr. Osy oraıda Reseıde, Belarýs, Armenııa jáne Qyrǵyzstanda da bizdegi sııaqty másele bar. Qus jeminiń bir tonnasy 180-190 myń teńgege jetti. Qus eti men jumyrtqanyń ózindik qunynda 70 paıyzy jemniń baǵasyna qatysty bolady. Eger qus jemi arzan bolsa, onda bizdiń ónim de naryqqa tómen baǵamen shyǵady», - dedi R. Sháripov ІH halyqaralyq qus ósirýshiler forýmynda tilshiler saýalyna jaýap bere otyryp.
Onyń aıtýynsha, bul salada jabdyqtardyń barlyǵy elimizge shetelden tasymaldanady.
«Keńestik kezeńde bizde qus sharýashylyǵyna qatysty barlyǵy boldy. Qustardyń túrli tuqymdary keńinen taralǵan edi jáne olardy bizden satyp alatyn. Keıinen osynyń barlyǵyn joǵaltyp aldyq. Qazir syrttan tasymaldaǵandyqtan, valıýtanyń joǵary quny óz áserin tıgizip otyr. Al Reseı men Belarýs ónimderdi ózderi óndirip jatyr. Olar quraldar men jabdyqtardy ózderi qamtamasyz etkennen keıin, baǵa boıynsha bul eldermen básekelesý qıynǵa túsip otyr», - dedi Qazaqstan qus ósirýshileri odaǵynyń prezıdenti.
