«Jemqorlyqty kez kelgen salada joıýǵa kúsh salý kerek» - respýblıkalyq basylymdarǵa sholý

Qarashanyń 18-inde ótken Qazaqstan Sýdıalar odaǵynyń V sezine Premer-Mınıstr Kárim Másimov, Senat jáne Májilis tóraǵalary Qasym-Jomart Toqaev pen Oral Muhamedjanov, Memlekettik hatshy - Syrtqy ister mınıstri Qanat Saýdabaev, sheteldik qonaqtar, elimizdiń ár aýmaǵynan saılanǵan jalpy sany 640 delegat qatysqan bolatyn. Olar 2005 jyly ótken ІV sezden beri eki aralyqta atqarylǵan jumys nátıjelerine taldaý jasap, sot júıesin odan ári jetildirýdiń basym baǵyttaryn belgiledi. Sezde Elbasy Nursultan Nazarbaev sóz sóıledi. «Egemen Qazaqstan» gazetiniń búgingi sanynda jaryq kórgen «Sýdıa - halyqtyń ary» atty maqala osy alqaly jıynǵa arnalǵan. Sonymen qatar sezd delegattarynyń lebizderi de qosa jarııalanǵan.

«20 jyl ishinde Qazaqstan baryssha sekirdi». «Egemen Qazaqstan» basylymynda osy taqyryppen  jaryq kórgen kelesi maqalada RF-nyń Syrtqy ister mınıstri Sergeı Lavrovtyń shaqyrýy boıynsha QR-nyń Memlekettik hatshysy - Syrtqy ister mınıstri Qanat Saýdabaev óziniń resmı sapary barysynda M.Lomonosov atyndaǵy MMÝ-de reseılik saıasatkerlermen kezdesip, onan soń «Argýmenty ı fakty» aptalyǵynyń ǵımaratynda reseılik beldi jýrnalıstermen baspasóz máslıhatyn ótkizgendigi jaıynda jazylǵan.

«Keshe Aqordada Qazaqstan Respýblıkasynyń Prezıdenti Nursultan Nazarbaevqa Qazaqstan Respýblıkasynda Tótenshe jáne ókiletti elshi bolyp jańadan taǵaıyndalǵan Nıderlandy Koroldiginiń elshisi Frans ıAkob Potaıt, Kanadanyń elshisi Stefen Mıllar, Latvııa Respýblıkasynyń elshisi Alberts Sarkanıs, Belgııa Koroldiginiń elshisi Danıel Bertran, Frantsýz Res­pýblıkasynyń elshisi Jan-Sharl Bertone, Fınlıandııa Respýb­lıkasynyń elshisi Mıkko Tapanı Kınnýnen, Mońǵolııanyń elshisi Haraavch Aıýýrzan jáne Grýzııanyń elshisi Paata Kalandadze senim gramotalaryn tapsyrdy», dep jazady «Egemen Qazaqstan» gazeti. Saltanatty rásimge baılanysty maqala bsylymnyń búgingi sanynda «Úılesimdi únqatysýǵa árqashan ashyqpyz» degen taqyryppen jarııalanǵan. Onda Mem­leket basshysysynyń «Jıyrma jylǵa jýyq ýaqyt ishinde biz memle­kettik damýdyń - qazirgi zamanǵy naryq­tyq ekonomıkanyń, or­nyqty saıası júıeniń, azamattyq qoǵam ınstı­týttary damýynyń berik negizin qura bildik. Osynyń barlyǵy bizdiń bolashaqqa se­nimmen qaraýy­myzǵa múmkindik beredi», degen sózi keltirilgen.

Bul mańyzdy shara «Aıqyn», «Ekspress-K», «Lıter», «Izvestııa», «Kazahstanskaıa pravda» basylymdarynyń da nazarynan tys qalmaǵan.

Sonymen qatar «Egemen Qazaqstan» basylymnyń dástúrli «Úkimet» atty aptalyq qosymshasynda birqatar maqalalar toptamasy jaryq kórdi.

Qarashanyń 18-inde qazaq sahna ónerin álemdik deńgeıge kóterip, keńestik dáýirde-aq óziniń darynymen qazaq teatrynyń mártebesin aspandatqan, sahnalyq sheshimderiniń tereńdigimen jańashyl rejısser atanǵan óner tarlandarynyń biri Ázirbaıjan Mádıuly Mámbetov dúnıeden ozǵan edi. Orny tolmas osy qazaǵa oraı QR Úkimeti, qoǵam, mádenıet qaıratkerleri, jazýshylar el gazeti «Egemen Qazaqstan» arqyly kórnekti teatr jáne kıno rejısserimen baquldasty.

«Aıqyn» gazetiniń dástúrli «Aq sóıle!» aıdarynyń búgingi qonaǵy - Slovenııa Respýblıkasynyń Prezıdenti Danılo Tıýrk. Suhbat «Nursultan Nazarbaev - dana ári kóregen saıasatker, onyń qolǵa alǵan kez kelgen jobasy oryndalady» degen taqyryppen berilgen. Basylymnyń Eýropa odaǵynyń bolashaǵyna, ǵalamdyq daǵdarysqa, EQYU-ǵa, Aýǵanstan máselesin qatysty saýaldaryna tushymdy jaýap bergen Slovenııa prezıdenti «meniń paıymdaýymsha, Qazaqstan - zor áleýeti bar alpaýyt el. Qazaqstan ıadrolyq qarýsyzdaný salasyndaǵy birqatar bastamalarymen tanymal. Sonymen qatar Qazaqstannyń dinaralyq kelisimdi damytýdaǵy tájirıbesi asa mańyzdy. Menińshe, bul tájirıbe muqııat zerttelip, álemdik deńgeıde zerdelenýi qajet», dep Qazaqstan týraly pikirin bildirgen. Ekeýara áńgimeniń egjeı-tegjeıin basylymnyń búgingi sanynan oqı alasyzdar.

«Qaýsap turǵan qurylys kimge kerek?». Osy taqyryppen «Aıqyn» gazetinde jaryq kórgen kelesi maqalada Atyraý óńirindegi memlekettik turǵyn úı baǵdarlamasy sheńberinde salynǵan baspanalardaǵy túıtkildi jaıttar aıtylǵan.

«Qazaqstan halqynyń densaýlyǵyn saqtaýǵa bólingen árbir teńgeniń  tıisti maqsatqa jumsalýyn endi Prezıdenttiń janyndaǵy sybaılas jemqorlyqqa qarsy kúres máseleleri jónindegi komıssııa muqııat qadaǵalaıtyn boldy. Bur týraly keshe Aqordada Memlekettik hatshy - Syrtqy ister mınıstri Qanat Saýdabaevtyń tóraǵalyǵymen ótken osy komıssııanyń otyrysynda málim boldy», dep jazady «Aıqyn» basylymy. Otyrys barysynda kóterilgen máselelermen osy gazettiń juma kúngi nómirindegi «Jemqorlyqty kez kelgen salada joıýǵa kúsh salý kerek» degen maqaladan oqı alasyzdar.

«Qazaqstanda kadrlyq aýys-túıis boldy», dep jazady «Lıter» gazeti. Beısenbi kúni «Nur Otan» HDP-nyń tóraǵasy, Memleket basshysy N.Nazarbaevtyń tóraǵalyǵymen partııanyń Saıası keńesi bıýrosynyń otyrysy ótti. Onda Nurlan Nyǵmatýlın partııa tóraǵasynyń orynbasary bolyp taǵaıyndalǵan. Osy oraıda Elbasy jańa taǵaıyndalǵan orynbasardyń buǵan deıin Qaraǵandy oblysynyń basshysy retinde jaqsy nátıjelerge qol jetkizgendigin atap ótip, odan partııada da sondaı kórsetkishter kútetindigin aıtqan.  Sonymen qatar otyrys barysynda Qaraǵandy oblysyna Serik Ahmetov basshylyq jasaıtyndyǵy belgili bolǵan.

Osy kadrlyq ózgerister jaıyndaǵy egjeı-tegjeıli maqalalar «Egemen Qazaqstan», «Aıqyn»,  «Ekspress-K», «Izvestııa», «Kazahstanskaıa pravda» gazetterinde de jaryq kórdi.

«Kazahstanskaıa pravda» gazetiniń jazýynsha, Úkimet tikeleı jeli barysynda qazaqstandyqtardyń  Memleket basshysyna qoıǵan suraqtardy sheshýdi qamtamasyz etedi. 2014 jyly Qazaqstan munaı ónimderiniń barlyq túrlerimen ózin tolyq qamtamasyzdandyrady. Bul úsh munaı óńdeý zaýyttaryn qaıta jóndeýdi aıaqtaǵannan keıin júzege asady jáne janarmaı baǵasyna qatysty problemalar sheshiledi. Sonymen qatar azyq-túlik baǵasy, balabaqshalardaǵy orynnyń jetispeýi sııaqty tikeleı jeli barysynda kóterilgen máselelerge oraı Memleket basshysy bergen birqatar naqty tapsyrmalar Premer-Mınıstr Kárim Másimovtiń tóraǵalyǵymen ótken Úkimettegi selektorlyq jınalysta talqylanǵan.