Jemqorlyqtan Eýroodaq ekonomıkasyna keletin jyl saıynǵy shyǵyn 120 mlrd. eýroǵa baǵalanyp otyr - Eýrokomıssııa
SSELЬ. 7 maýsym. QazAqparat /Dımash Syzdyqov/ - Jyl saıyn sybaılas jemqorlyqtan Eýroodaq ekonomıkasyna keletin shyǵyn 120 mıllıard eýroǵa baǵalanyp otyr.
Bul Odaqtyń Іshki jalpy óniminiń 1 paıyzyn shamalaıdy. Jalpyeýropalyq deńgeıdegi jemqorlyqpen kúresýdi kúsheıtý sharalaryn tanystyrǵan Іshki máseleler jónindegi eýrokomıssar Sesılııa Malmstrem osyndaı málimetti jarııa etti.
Onyń aıtýynsha, sybaılas jemqorlyqtyń túrleri ınvestıtsııalardyń deńgeıin tómendetip, memlekettik mekemeler men vedomstvolardyń qalypty jumysyna kedergi keltirip, sondaı-aq bıýdjetterdiń kirisin qysqartyp, Eýroodaq elderine úlken zııan keltirýde. Eýropanyń árbir bes azamatynyń tórteýi jemqorlyqty óz elderiniń negizgi problemasy sanaıdy eken.
«Sybaılas jemqorlyqpen kúresý basymdyqty nazardy talap etedi. Halyqaralyq jáne eýropalyq deńgeıdegi quqyqtyq sharttar jetkilikti bolǵanymen, olardyń júzege asyrylýy áli de bolsa kemshin ekenin kórip otyrmyz. Men úshin bir nárse anyq. Ol - saıasatkerler men organdarǵa osynaý qubylyspen kúresýde saıası eriktiń jetispeýi»,- dep atap kórsetti eýrokomıssar óz sózinde.
