Jemqorlyqtan aıyppul retinde 2 jylda bıýdjetke 600 mln teńge túsken

NUR-SULTAN. QazAqparat – 2020 jyly Sybaılas jemqorlyqqa qarsy qyzmettiń aldyna qoıylǵan mindetterdi oryndaý jáne tergeý sapasyn qamtamasyz etý boıynsha aýqymdy jumys júrgizildi.Bul týraly «Antikor ortalygy» alańynda Nur-Sultan qalasy boıynsha sybaılas jemqorlyqqa qarsy is-qımyl departamentiniń basshysy Shyńǵys Qabdýla aıtty, dep habarlaıdy QazAqparat tilshisi.

«Sońǵy 2 jyl ishinde respýblıka boıynsha Sybaılas jemqorlyqqa qarsy qyzmet tarapynan para berýdiń – 480, paraqorlyqta deldal bolýdyń – 37, ártúrli quqyqqa qaıshy bıznes jumysyna aralasýdyń – 713 deregi anyqtaldy. Eselengen aıyppuldardy alatyn bolsaq, onda para berýshiler men deldaldar 2 jyl ishinde bıýdjetke 600 mln. teńge tóledi», - deıdi Nur-Sultan qalasy boıynsha sybaılas jemqorlyqqa qarsy is-qımyl departamentiniń basshysy Shyńǵys Qabdýla.

Onyń aıtýynsha, elordada Sotqa deıingi tergep-tekserýdiń biryńǵaı tiziliminde 192 qylmystyq is tirkelip, sotqa 126 is joldandy.

«Qylmystyq qýdalaý 97 adamǵa qatysty boldy, onyń ishinde 6 – respýblıkalyq jáne 4 – oblystyq deńgeıde júzege asyryldy. Sotqa 45 azamat berildi, olardyń 25-i sottaldy, taǵy 18-ine qatysty sot sheshimi áli shyqqan joq», - deıdi ol.