Jemqorlyqpen kúresý úshin memlekettik fýnktsııalardyń birqatary jeke sektorǵa berilmek
ÓSKEMEN. QazAqparat - Salalyq zańdardyń jetilmengendigi, memlekettik jáne korporatıvtik basqarý ashyqtyǵynyń jetkiliksiz bolýy, sheneýniktiń azamatpen betpe-bet kezdesýi, halyqtyń, sonyń ishinde memlekettik sektordyń quqyqtyq mádenıetiniń tómen deńgeıi jemqorlyqqa alyp keledi.
Bul týraly óńirlik kommýnıkatsııalar qyzmetinde ótken brıfıngte Memlekettik qyzmet isteri mınıstrligi ShQO boıynsha departamentiniń basshysy Toqtamys Jumaǵulov aıtty.
«Bul rette, birqatar memlekettik fýnktsııalardy memlekettik emes sektorǵa - ózin-ózi retteıtin mekemelerge kezeń-kezeńimen berý jumystary qolǵa alynatyn bolady», - dedi ol.
Olardyń alǵashqysy adamı faktordyń yqpalyn barynsha azaıtý jáne zamanaýı aqparattyq tehnologııalardy keńinen paıdalaný bolady. Nátıjesinde halyqqa elektrondy formatta kórsetiletin qyzmetter túri artady.
Onyń aıtýynsha, memleket pen qoǵamnyń tyǵyz qarym-qatynasy ǵana sybaılas jemqorlyqqa qarsy tura alady. Eske salsaq, Qazaqstanda 2015-2025 jyldarǵa arnalǵan Jemqorlyqqa qarsy strategııa ázirlenip, júzege asyrylýda.
