Jemqorlyqpen kúreskerlerdiń aralasýynan keıin Kókshetaýda turǵyn úı paıdalanýǵa berildi

KÓKShETAÝ. QazAqparat – Kókshetaý qalasynda jemqorlyqqa qarsy organnyń aralasýynan keıin kóppáterli turǵyn úı paıdalanýǵa berildi. QazAqparat bul týraly Aqmola oblystyq Sybaılas jemqorlyqqa qarsy is-qımyl departamentiniń baspasóz qyzmetine silteme jasap habarlaıdy.

Vedomstvo málimetinshe, óńirde sybaılas jemqorlyq táýekelderin boldyrmaý maqsatynda 3-shi jyl qatarynan bıznes pen ınvestıtsııalardy qorǵaý boıynsha «Protecting Business and Investments» jobasy jumys istep keledi. Sodan beri barlyǵy 43 ótinish túsken. Onyń 19-y boıynsha kásipkerlik sýbektileriniń quqyqtary qalpyna keltirildi, 24 ótinish boıynsha túsindirme berildi.

«Problemalyq máseleler jer qatynastary, sáýlet, qurylys, ınvestorlyq vıza alý salalaryna qatysty boldy. Máselen, óńirdegi qurylys kásiporyndarynyń biri - «OTAÝ-Qurylys» JShS kóppáterli turǵyn úıdiń eki sektsııasyn paıdalanýǵa berý kezinde ýákiletti memlekettik organ tarapynan bıýrokratııalyq kedergilerge tap bolǵan. Departament ókilderi men Aqmola oblysynyń Kásipkerler palatasynyń músheleri aralasqannan keıin, bul másele turǵyn úı qurylysyna úlestik qatysý máseleleri jónindegi vedomstvoaralyq komıssııada qaralyp, oń sheshimin tapty», - deıdi vedomstvodan.