Jemqorlyqpen kúreske arnalǵan kitap jazylyp, fılm túsirilse – Aıdos Sarym
«Biz sottalǵan, memlekettiń qarajatyn jep aıypty bolǵandardy búkil el aldynda qarabet qylýymyz kerek. ıAǵnı, halyq kináli azamattyń esimin ǵana emes onyń elge keltirgen zııanyn da bilýi tıis. Sybaılas jemqorlyqqa qatysty elimizde aıtatyn, jazatyn dúnıe jetkilikti. Osy oraıda meniń usynysym, múmkin agenttik sybaılas jemqorlyqqa qarsy baǵytynda halyq arasynda úgit-nasıhat júrgizip qana emes, qarajat bólip, detektıv janrynda kitap jazylyp, fılm túsirilse. Oǵan negiz bolatyn sybaılas jemqorlyq derekteri men qylmystyq ister jetip jatyr», - dedi Aıdos Sarym QR Sybaılas jemqorlyqqa qarsy qyzmeti agenttiginde ótken onlaın konferentsııa barysynda.
Qoǵam qaıratkeriniń pikirinshe, sybaılas jemqorlyqpen kúreste detektıvti kitap men fılm arqyly nasıhattaý tıimdi quraldardyń biri.
«Álemde eń kóp satylatyn jáne joǵary suranys pen oqylymǵa ıe kitap janry ol - detektıv. Ózderińiz biletindeı kitap, fılm degen ol belgili bir dúnıeni nasıhattaýdyń quraly, ol arqyly kez kelgen nárseni jaqsy qylyp kórsetýge de bolady nemese kerisinshe. Basqasha aıtqanda bul mádenıetke kelip tireledi. Siz ben bizdiń osy qazir aıtyp otyrǵan áńgimemiz osy jerde qalady, al mazmuny jaqsy kitap pen fılm - máńgilik», - dedi Aıbos Sarym.