Jemqorlyqpen kúresetinder qansha aılyq alatyny belgili boldy
ASTANA. QazAqparat - QR Memlekettik qyzmet isteri jáne jáne sybaılas jemqorlyqqa qarsy is-qımyl agentigi tóraǵasynyń orynbasary Aıgúl Shaıymova atalǵan vedomstvo qyzmetshileriniń aılyǵy qansha ekenin aıtty, dep habarlaıdy «QazAqparat» HAA tilshisi.
«Búgingi tańda bizdiń qyzmetshiler eń tómeni - 150 myń, eń joǵarysy 400 myń teńge aılyq alady», - dedi Shaıymova OKQ-da ótken baspasóz máslıhaty barysynda.
Aıta ketsek, atalǵan baspasóz máslıhatynda Aıgúl Shaıymova memlekettik qyzmetshilerge eńbekaqy tóleýdiń jańa júıesi týraly aıtqan bolatyn. Onyń aıtýynsha, atalǵan joba pılottyq tártipte birneshe oblystar en vedomstvolarda bastalyp ketken. Jobaǵa Memlekettik qyzmet isteri jáne jáne sybaılas jemqorlyqqa qarsy is-qımyl agentigi, Ádilet mınıstrligi, Astana qalasy men Mańǵystaý oblysynyń ákimdigi qatysýda. Atalǵan vedomstvolar men ákimdikter qańtar aıynan bastap jańa júıe boıynsha eńbekaqy ala bastaıdy.
«Jańa shema boıynsha óńirlerdegi memlekettik qyzmetshilerdiń aılyǵy ósetin bolady. Máselen, oblystyq deńgeıde aılyqtyń eń tómengi mólsheri - 62 myńnan 17 myńǵa deıin bolyp otyr. Bul jerde sóz oblys ákimdikteriniń jetekshi mamandary týraly aıtylyp turǵanyn jetkizgim keledi. Ortalyqta aılyq - 84-136 myń aralyǵynda. Pılottyq jobanyń sońyna qaraı, bul júıeni respýblıkalyq deńgeıde engizý týraly sheshim qabyldanady», - deıdi Aıgúl Shaıymova.
