Jemqorlyqpen kúres: Túrkistan oblysynda qoǵam belsendileri marapattaldy

TÚRKІSTAN. QazAqparat – Túrkistan oblysynda sybaılas jemqorlyqqa qarsy saıasatty júzege asyrýǵa úles qosyp júrgen qoǵam belsendileri marapattaldy. Atalǵan shara «9 jeltoqsan - Halyqaralyq sybaılas jemqorlyqqa qarsy kúres kúnine» oraı uıymdastyryldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti ótkizgen sharaǵa buqaralyq aqparat quraldarynyń ókilderi men qalalyq jáne aýdandyq ákimdikterdiń baspasóz hatshylary qatysty. Sonymen qatar, arnaıy monıtorıngilik top jáne aqparattyq-aǵartýshylyq shtab músheleri, «Túrkistan-adaldyq alańy» jobalyq keńse menedjerleri men sybaılas jemqorlyqqa qarsy uıymdastyrylǵan baıqaý jeńimpazdary arnaıy shaqyryldy.

Saltanatty jıynda jyl boıy departament atqarǵan jumystar barysy baıandalyp, arnaıy ázirlengen beınerolık kórsetildi. Sharada alǵashqy bolyp sóz alǵan Departament basshysy Hakım Kóshqalıev oblys kóleminde áleýmettik dertke qarsy saıasattyń iske asyrylýy aıasynda atqarylǵan jumystar boıynsha baıandama jasady. Sondaı-aq, arnaıy monıtorıngtik top músheleri óz oılarymen bólisti. Jıyn sońynda sybaılas jemqorlyqpen kúresýde belsendilik tanytqan azamattarǵa túrli nomınatsııalar boıynsha arnaıy alǵys hattar men gramotalar, dıplomdar tabystaldy. Sondaı-aq, departament qyzmetkerleriniń qatysýymen túsirilgen «1424» kórkem fılminiń kezekti kórsetilimi jıynǵa qatysýshylar nazaryna usynyldy.