Jemqorlyqpen kúres: Turǵyndar qaı mekemelerdiń jumysyna kóp shaǵymdanady
«Ashyq dıalog» portalyn taldaý nátıjeleri Sybaılas jemqorlyqqa qarsy is-qımyl agenttigi tóraǵasynyń, ishki ister, qarjy, densaýlyq saqtaý, ádilet, eńbek jáne áleýmettik qorǵaý, tsıfrlyq damý mınıstrleriniń, sondaı-aq Memlekettik kirister komıteti tóraǵasynyń blogtaryna sybaılas jemqorlyq týraly aqparatty jıi joldaıtynyn kórsetti. Óńirlik bóliniste shaǵymdar Almaty, Pavlodar oblystary jáne Almaty qalasy ákimderiniń blog-platformalaryna jıi túsken», - deıdi Ortalyq kommýnıkatsııalar qyzmetinde ótken baspasóz máslıhatynda «Transparency Kazakhstan» QQ atqarýshy dırektory Olga Shııan.
Onyń aıtýynsha ótinish berýshiler polıtsııanyń, aýdan ákimdikteriniń, memlekettik aýrýhanalar men emhanalardyń, salyq organdary men jeke sot oryndaýshylarynyń jumys sapasyna narazylyq bildirgen.
«Saýalnamaǵa qatysýshylardyń pikirinshe, áýre-sarsańǵa salý, memlekettik organdardyń ótinish berýshilerdiń máselelerin qaraýdaǵy áreketsizdigi, qyzmetkerlerdiń biliksizdigi jáne memlekettik derekqorlardaǵy tehnıkalyq qateler men qate málimetterdiń bolýy - shaǵymdardyń negizgi sebepteri bolǵan», - deıdi ol.