Jemqorlyqpen kúres organynanbyz dep 20 mln teńge bopsalamaq bolǵandar ustaldy
«Arnaıy jedel-izdestirý sharalary júrgizilgen bolatyn. Shara barysynda ózderin sybaılas jemqorlyqpen kúres qyzmetiniń ókilderi retinde ózin tanystyryp, aktsıonerlik qoǵamnyń basqarma tóraǵasynan zańsyz kásipkerlik qyzmetimen aınalysqany, bırjada zańsyz kelisimderdi júzege asyrǵany úshin qylmystyq jaýapkershilikten qutqarý úshin 20 mln teńge somasyndaǵy aqsha qarajatyn alǵan eki azamattyń alaıaqtyq faktisi anyqtaldy», - deıdi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoǵammen baılanys departamentiniń dırektory Arman Berdalın Agenttikte ótken baspasóz máslıhatynda.
Kinásin tolyq moıyndaýyna jáne jedeldetilgen sotqa deıingi tergeýdi qoldaný týraly ótinishhat túsýine baılanysty kúdiktilerge qatysty protsessýaldyq ustaý sharasy qoldanylmaǵan. Tergeý jalǵasýda.