Jemqorlyqpen kúres organdary mamandandyrylǵan HQKO-ny tekseredi

NUR-SULTAN. QazAqparat - Sybaılas jemqorlyqqa qarsy qyzmet ókilderi Nur-Sultan qalasynyń mamandandyrylǵan halyqqa qyzmet kórsetý ortalyǵynyń (HQKO) qyzmetine monıtorıng júrgizbek, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

Tekserýshi organa monıtorng jumysynyń barysynda jýrnalısterdiń de baqylaýyna múmkindik týdyryp otyr. «Covid-19 pandemııasynyń taralýyna baılanysty HQKO-da memlekettik qyzmet kórsetý egov.kz elektrondyq úkimet saıty jáne telegram-bot arqyly aldyn ala jazylý arqyly ǵana júzege asyrylady. Bul rette, azamattardan onlaın rejıminde kezek brondaý múmkin emestigi jáne deldaldardyń kezek satýy týraly shaǵymdar kelip túse bastady. Osyǵan baılanysty, aǵymdaǵy jyldyń 29 shildesinde Agenttik basshylyǵy Nur-sultan qalasynyń arnaıy HQKO qyzmetine monıtorıng júrgizedi»,-delingen habarlamada.

Bul monıtorıngke ІІM Ákimshilik polıtsııa komıtetiniń, Tsıfrlyq damý mınıstrliginiń, «Azamattarǵa arnalǵan úkimet» kommertsııalyq emes aktsıonerlik qoǵamynyń ókilderi qatysady.