Jemqorlyqpen kúres komplaens boıynsha oqytý semınarlarynyń serııasy iske qosyldy

NUR-SULTAN. QazAqparat - Sybaılas jemqorlyqqa qarsy is-qımyl agenttigi Qazaqstan Respýblıkasy Prezıdentiniń janyndaǵy Memlekettik basqarý akademııasymen jáne «Samuryq-Qazyna» ulttyq ál-aýqat qory» AQ birlesip kvazımemlekettik jáne jeke sektorlarda sybaılas jemqorlyqqa qarsy komplaensti ilgeriletý boıynsha alǵashqy oqytý semınaryn ótkizdi.
None
None

Semınar jumysyna memlekettik mekemeler men kvazımemlekettik sektor sýbektileriniń basshylary, barlyǵy 1000-nan astam adam qatysty, dep habarlaıdy QazAqparat.

Aıta ketý kerek, kvazımemlekettik kompanııalarda sybaılas jemqorlyqqa qarsy komplaensti engizý boıynsha mindet ótken jyldyń sońynan bastap zańnamalyq deńgeıde engizildi jáne korporatıvtik adaldyq standarttarynyń saqtalýyn baqylaýdy kózdeıdi.

Іs-sharany ashqan agenttik tóraǵasynyń birinshi orynbasary Oljas Bektenov bıznesti parasatty júrgizýdiń mańyzdylyǵyn atap ótti.

Transparensı Qazaqstan sotsıologııalyq zertteýiniń nátıjelerine sáıkes, suralǵan bıznestiń tek 8,2%-y 2020 jyly sybaılas jemqorlyq týraly habarlady.


Kásipkerlerdiń 80%-dan astamy Qazaqstanda para bermeı jáne tek quqyqtyq salada jumys isteı otyryp damý múmkin dep sanaıdy.

O. Bektenov kvazımemlekettik sektor kompanııalarynyń basshylyǵyn komplaens-qyzmetterdi qurýdy jedeldetýge, olardy bilikti kadrlarmen jasaqtaýǵa shaqyrdy.

Memlekettik basqarý akademııasynyń rektory Erlan Ábil sybaılas jemqorlyqqa qarsy komplaens júıesin qurý protsesinde ISO 37001 «Paraqorlyqpen kúres menedjmenti júıesi» halyqaralyq standartyn engizý áleýeti týraly aıtty.

«Búginde memlekettik sektormen qatar Akademııa tarapynan parasatty bıznes qaǵıdattaryn qalyptastyrý boıynsha keshendi jumys júrgizilýde. Ol úshin komplaens-ofıtserlerdi oqytý modýlderi jáne sybaılas jemqorlyqqa qarsy komplaens boıynsha uıymdardy sertıfıkattaý protsesi iske qosyldy» - dedi Akademııa rektory.

«Samuryq-Qazyna» AQ komplaens-qyzmetiniń basshysy Dáýren Aqshalov osy ınstıtýtty júzege asyrýdyń praktıkalyq tájirıbesimen bólisti.

Іs-shara sońynda elimizdiń barlyq óńirlerinde kvazımemlekettik sektor sýbektileri úshin óńirlik oqytý semınarlaryn ótkizý týraly sheshim qabyldandy.

Esterińizge sala keteıik, buǵan deıin agenttik tóraǵasy Alık Shpekbaev Almaty qalasy men Almaty oblysynyń kásipkerlerimen kezdesý ótkizgen bolatyn.


Сейчас читают