Jemqorlyqpen kúres: Qazaqstanda ótken jyly 1000-nan astam adam sottaldy

NUR-SULTAN. QazAqparat – Qazaqstan byltyr jemqorlyq jasaǵan myńnan astam adam sottalǵan. Onyń ishinde 269 adam bos bostandyǵynan aıyryldy, dep habarlaıdy QazAqparat tilshisi.

«2020 jyly 1000-nan astam adam sottaldy. 334 adam para alǵany, 256 adam para bergeni, 146 adam alaıaqtyq, 98 adam urlyq, 120 adam laýazymdyq ókilettikterin teris paıdalanǵany, 26 adam paraqorlyqqa deldal bolǵany úshin jáne taǵy basqa jaǵdaılarmen sottaldy. 269 adam bas bostandyǵynan aıyrylyp, 142 adamnyń bas bostandyǵyn shekteldi. Eselik aıyppuldarǵa 575 adam ilikti. Qalǵandary shartty merzimge nemese úkimniń oryndalýyn keıinge qaldyrý sheshimderi boıynsha sottaldy», - dedi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov onlaın baspasóz máslıhatynda.

Onyń aıtýynash qosymsha jazalaý sharalary 1 268 adamǵa (bir adamǵa qatysty birneshe qosymsha jazalaý sharalary qoldanylýy múmkin) qoldanylǵan. 963 adam belgili bir laýazymdy atqarý nemese qyzmetpen aınalysý quqyǵynan aıyrylǵan. 279 adam arnaýly, áskerı nemese qurmet ataǵynan, sheninen, dıplomatııalyq dárejesinen, biliktilik dárejesinen jáne memlekettik nagradalarynan aıyrylǵan. 26 adam múlki tárkilenip sottalǵan.