Jemqorlyqpen kúres búkil qoǵam máselesi – depýtat
«Koronavırýs indeti búkil álemdi ózine qaratqan oqıǵa bolyp tur. Ol adam shyǵyny men qatar ekonomıkaǵa óz zardabyn tıgizýde. Pandemııa kezinde kóptegen elderdiń ekonomıkalyq problemalary aıqyndala bastady, onyń ishinde bizdiń elde bar. ıAǵnı, karantın men tótenshe jaǵdaı eldegi problemalardy kórsetip berdi. Pandemııa el ekonomıkasyna keri áserin tıgizdi. Árıne ol problemalar pandemııanyń kezinde ǵana paıda bolǵan, burynnan bar tek pandemııa kezinde ol údeıe tústi. Al bizdiń ekonomıkamyzdyń alǵashqy problemasy onyń shıkizat jáne munaı resýrstaryna táýeldiligi. Biz únemi shıkizat qoryna úmit artyp otyrmaýymyz kerek, ónimderdi ózimiz óndirýimiz qajet. Eldi qarapaıym zatpen qamtamasyz etý úshin ony shetelden satyp alamyz. Biz endigi ýaqytta ózimiz óndirýimiz qajet, sebebi pandemııa kezinde shekaralar jabylyp qajetti dúnıe tapshylyǵyn kórdik», - dedi Nurjan Áltaev QR Sybaılas jemqorlyqqa qarsy qyzmeti agenttiginde ótken onlaın konferentsııa barysynda.
Sondaı-aq, halyq qalaýlysy eldegi sybaılas jemqorlyq máselesin kóterdi.
«Ekinshi problema ol sybaılas jemqorlyq. Biz adamdardyń qarapaıym medıtsınalyq qyzmetterdi ala almaımaı qalǵan jaǵdaılar tirkeldi. Osyndaı jaǵdaıdan keıin biz sybaılas jemqorlyqty joıýymyz qajet. Sebebi bul elimizdiń eń úlken problemasyna aınalýy múmkin. Jemqorlyqpen kúres sybaılas jemqorlyqqa qarsy kúres agenttiginiń nemese quqyq qorǵaý organdarynyń jumysy ǵana emes, ol búkil qoǵam máselesi. Qoǵam jemqorlyqpen kúreste óz belsendiligin tanytý qajet», - dedi ol.
Onyń aıtýynsha, ekonomıkanyń kóptegen salasyna monopolııa keri áserin tıgizýde.
«Ókinishke qaraı, ekonomıkanyń kóptegen salasynda monopolııa oryn alýda. Mysaly, dári-dármekti jetkizýge qatysty aıtar bolsaq, ol 3-4 kompanııanyń ózindik uıa salyp alýynan dári tapshylyǵy týyndady. Bunymen tolyqtaı kúresýimiz qajet jáne mundaı jaǵdaı barlyq salada bar. Adamdardyń qarapaıym medıtsınalyq qyzmetterdi ala almaýy bul óte mańyzdy másele. Bul problemanyń tamyryn joıý kerek. Ony joıýda qoǵamnyń róli zor. Sol sııaqty memlekettik organdar tarapynan da naqty reformalardy talap etedi. Biz jalpyhalyqtyq oı-talqy júrgizip, osy atalǵan problemalardan qıyndyqsyz shyǵý sharalaryn qarastyrdyq. Kez kelgen bastama ashyq talqylaýǵa túsýi qajet», - dedi N. Áltaev.