Jemqorlyqpen kúres baǵytynda el basshylyǵynda saıası erkindik qaýqary jetkilikti
ASTANA. Qyrkúıektiń 16-sy. QazAqparat /Rýslan Ǵabbasov/ - Jemqorlyqpen kúres baǵytynda el basshylyǵynda saıası erkindik qaýqary jetkilikti. Bul týraly búgin Astanadaǵy Táýelsizdik saraıynda ótip jatqan Halyqaralyq jemqorlyqqa qarsy konferentsııasynda Elbasy Nursultan Nazarbaev málim etti,
dep habarlaıdy QazAqparat.
«Biz zańnamada jemqorlar úshin birde bir múmkindik qalmaýy úshin barlyǵyn jasaıtyn bolamyz. Úkimettik jáne jergilikti sheneýnikter jumysynyń ashyqtyǵy, móldirligi, buqaralyq aqparat quraldary úshin kompanııalardyń da, bıznestiń de barlyq is qımyldarynyń qoljetimdiligi qajet», dep toqtalǵan Elbasy, osy oraıda myǵym saıası erkindik kerek ekenin aıtyp ótti.
«Atap aıtqanda, bul saıası erkindik bizdiń eldiń basshylyǵynda bar. Bul erkindik - basqarýdyń budan da ashyq júıesin qurýdaǵy erkimiz, ár azamattyń erkindigi men quqyn múltiksiz saqtaýdy qamtasyz etý», dedi Memleket basshysy.
«Konferentsııa barysynda sybaılas jemqorlyqqa qarsy kúres tóńireginde tájirıbeler ortaǵa salynyp, jańa usynystar aıtylatyna kámil senemin», dedi N. Nazarbaev.
