Jemqorlyqpen kúres: Almaty qalasy boıynsha Kedendik baqylaý departamentiniń 52 qyzmetkeri tártiptik jaýapkershilikke tartyldy
ALMATY. 21 jeltoqsan. QazAqparat /Názıra Eleýhan/ - Qalalyq Kedendik baqylaý departamenti óz qatarlarynda sybaılas jemqorlyqqa qarsy áreket jasaý boıynsha sharalardy kúsheıtýde.
Bul týraly búgin Almatyda ótken baspasóz máslıhatynda atalmysh vedomstvo ókilderi málim etti.
Ústimizdegi jyldyń 12 aıy ishinde Departamenttiń Іshki qaýipsizdik basqarmasy 43 qyzmettik tekseris júrgizgen. Sonyń nátıjesinde 6 qylmystyq is qozǵaǵan, 52 laýazymdy tulǵa tártiptik jaýapkershilikke tartylǵan, al 4 qyzmetker keden organdarynan qyzmetten bosatylǵan. Sondaı-aq, 5 departament qyzmetkerleriniń is-áreketinde sybaılas jemqorlyqqa jaǵdaı týǵyzatyn quqyq buzýshylyq belgileri anyqtalǵan.
Onyń bir mysaly retinde, jaqynda Almaty qalasy boıynsha Kedendik baqylaý departamentiniń Іshki qaýipsizdik basqarmasynyń qyzmetkerleri departamenttiń birneshe laýazymdy tulǵalaryna qatysty qylmystyq is qozǵaǵandyǵyn aıtýǵa bolady. Olar laýazym ıeleri bola tura, óz jumysynda nemquraıdylyqqa jol bergen, ıaǵnı ústimizdegi jyldyń shilde - qyrkúıek aılary aralyǵynda qyzmetkerler óz mindetterin durys oryndamaı, 75 temirjol vagondaryn keden qoımasy bolyp tabylmaıtyn saqtaý oryndaryna jiberip, osynyń saldarynan zańmen qorǵalatyn memleket múddesine edáýir zııan keltirgen. Qazir olarǵa qatysty Almaty qalasy boıynsha Kedendik baqylaý departamenti QR Qylmystyq kodeksiniń 316-babyna sáıkes (nemquraıdylyq - osy qylmys úshin 5 jylǵa deıin bas bostandyǵynan aıyrady) qylmystyq is qozǵady.
Bul qylmystyq is boıynsha tergeý amaldary áli de júrgizilýde. Nátıjesinde, ár laýazymdy tulǵanyń qanshalyqty kináli ekendigi anyqtalyp, quqyqtyq baǵa beriletin bolady.
