Jemqorlyqpen kúres: Aqmola oblysynda emdeý mekemesiniń basshysy ustaldy

KÓKShETAÝ. QazAqparat - Aqmola oblysynda sybaılas jemqorlyqqa kúdikti retinde «Avıtsenna» emdeý-aldyn alý mekemesiniń basshysy Janar Moldantaeva ustaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.

Vedomstvonyń málimetinshe, Kókshetaý qalasynyń mamandandyrylǵan tergeý soty sýdıasynyń 2021 jylǵy 1 sáýirdegi qaýlysymen kúdikti Janar Moldantaevaǵa qatysty eki aı merzimge kúzetpen ustaý túrindegi bultartpaý sharasy sanktsııalandy.

«Sotqa deıingi tergeý organdary J.Moldantaevaǵa Qylmystyq kodekstiń 189 baby 4 bóliginiń 2 tarmaǵynda (asa iri mólsherde senip tapsyrylǵan bóten múlikti ıemdený nemese ysyrap etý) kózdelgen qylmystyq quqyq buzýshylyq jasady degen kúdik keltirip otyr», - dep atap ótti vedomstvodan.

Qaýly Aqmola oblystyq sotynyń apellıatsııalyq alqasyna shaǵymdandy.

Aıta keteıik, Aqmola oblysy densaýlyq saqtaý basqarmasynyń burynǵy basshysy Ilıasov Sýlen ózine senip berilgen ózgeniń múlkin ıemdený nemese shyǵyndaǵany úshin kúdikke alynǵan bolatyn. Kúdiktige qatysty 1 sáýirde eki aı merzimge kúzetpen ustaý túrindegi bultartpaý sharasy sanktsııalandy. Sot qaýlysyna apellıatsııalyq alqaǵa shaǵym jasaldy.

Vedomstvodan atap ótkendeı, apellıatsııalyq isterdi qaraý búgingi kúnge taǵaıyndaldy. Kúdiktilerdiń ekeýi de bir baptan ótip, bir kúni qamaýǵa alyndy. Biraq bul eki másele baılanysty ma, joq pa, áli anyqtalǵan joq.