Jemqorlyqpen kúres agenttiginiń laýazymdy qyzmetkerleri monshada demalǵan – Aqmola

KÓKShETAÝ. QazAqparat- Tótenshe jaǵdaı rejımi kezinde Sybaılas jemqorlyqqa qarsy is - qımyl agenttigi Aqmola oblysy boıynsha departamentiniń laýazymdy tulǵalary monsha kesheninde demalǵan, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 18 sáýirde saǵat 22:30 shamasynda Krımınaldy polıtsııa basqarmasynyń qyzmetkerleri Kókshetaý qalasynda júrgizgen reıd kezinde «Izbýshka» monsha kesheni ıesi tótenshe jaǵdaı rejımin buzǵanyn anyqtady. Monsha keshenin tekserý kezinde ishinde tórt adam bolǵan.

«Tótenshe jaǵdaı rejımin buzǵanyn «Izbýshka» monsha kesheniniń 30 jastaǵy ıesi men klıentteri- QR Sybaılas jemqorlyqqa qarsy is - qımyl agenttigi Aqmola oblysy boıynsha departamentiniń laýazymdy tulǵalary QR ÁQbK 476-baby boıynsha ákimshilik jaýapqa tartyldy»,-dep túsindirdi PD baspasóz hatshysy Gúlnar Pınchýk.