Jemqorlyqpen kúres agenttiginiń qyzmetkeri para alǵan bolýy múmkin
Agentiktiń baspasóz qyzmeti taratqan aqparattarǵa qaraǵanda, atalmysh uıymnyń Ózindik qaýipsizdik departamenti atalǵan fakti boıynsha sotqa deıingi tergeýdi bastady.
«Óz qatarynyń tazalyǵyn qamtamasyz etý saıasatyn iske asyrý maqsatynda aǵymdaǵy jyldyń 20 naýryzynda Sybaılas jemqorlyqqa qarsy is-qımyl agenttiginiń Ózindik qaýipsizdik departamenti Agenttiktiń 3-nshi departamenti (jedel) basshysynyń mindetin ýaqytsha atqarýshyǵa qatysty sotqa deıingi tergeýdi bastady. Ol asa iri kólemde para aldy degen kúdikke ilinip, qazirgi tańda Qyzylorda qalasynda ýaqytsha ustaý ızolıatoryna qamaýǵa alyndy»,-delingen agenttik taraatqan aqparatta.
Qylmystyq isti tergeý Agenttik tóraǵasynyń jeke baqylaýynda. Ózge aqparat QR QPK sáıkes jarııa etýge jatpaıdy.