Jemqorlyqpen baılanysty qylmystardyń arasynda eń kóp taraǵan túri - para alý bolyp otyr - qarjy polıtsııasy
TANA. 17 tamyz. QazAqparat /Aıdar Ospanalıev/ - Astana qalalyq ekonomıkalyq qylmysqa jáne sybaılas jemqorlyqqa qarsy kúres departamenti jyl basynan beri sybaılas jemqorlyqpen baılanysty 80 qylmys anyqtaǵan. Onyń 74-i sotqa joldandy.
Bul málimetterdi búgin jýrnalıstermen bolǵan brıfıngte atalmysh departamenttiń Jemqorlyqpen baılanysty isterdi ashý men olardyń aldyn alý basqarmasynyń bastyǵy Erlan Rahymbekov jarııa etti.
Onyń sózine qaraǵanda, jyl basynan beri sybaılas jemqorlyqqa qatysty bolýlaryna baılanysty 74 memlekettik qyzmetker sotqa berilip, olardyń 15-i boıynsha sot úkimi shyqqan. «Jemqorlyq áreketteriniń saldarynan memleketke kelgen shyǵyn 40,2 mıllıon teńgeni qurady. Arnaıy qoldanylǵan sharalardyń nátıjesinde el azamattaryna 34,4 mıllıon teńge qaıtaryldy»,-dedi basqarma bastyǵy.
Onyń aıtýynsha, jemqorlyqpen baılanysty qylmystardyń eń kóp taraǵan túri - para alý bolyp otyr. Bul qylmys túri boıynsha jyl basynan beri 45 qylmys anyqtalǵan.
