Jemqorlyqqa jol berilmeıdi

Oblystyq ulttyq bıýro de­partamentiniń resmı ókili Samal Ahmedıanovanyń aıtýynsha, osy jyldyń ótken alty aıy ishinde aımaqtyq departament qyz­metkerleri 247 qylmystyq is boıynsha sotqa deıingi tekserý jumystaryn júrgizip, zań buzyp, jeń ushynan jalǵasqan jem­qorlardy jaýapqa tartýdy usyndy. «El aman, jurt tynyshta» oryn alǵan qylmystyń 163-i sybaılas jemqorlyqqa qatysty boldy. 

- Sóıtip, jyl basynan bergi ýaqyt aralyǵynda 32 adam qylmystyq jaýapqa tartylyp, olar jergilikti sot sheshimimen jazalandy. Oblys boıynsha 117 qylmystyq is, onyń ishinde, Pav­lodar qalasynda - 96, Eki­bastuz qalasynda - 21, Lebıaji aýdanynda - 8, Baıanaýyl aýdanynda - 6 qylmystyq is oryn alǵany anyqtaldy. Ásirese, jergilikti atqarý organdaryna qarasty mekemelerde, quqyq qorǵaý oryn­darynda t.b. memmekemelerde óreskel zańbuzýshylyq oryn alýda. Mysaly, bıylǵy jyldyń ótken alty aıynyń ishinde oryn alǵan quqyqbuzýshylyq áre­ket­teriniń 52 oqıǵasynyń aı­maqtaǵy jergilikti basqarý organdarynyń, 30 oqıǵanyń quqyqqorǵaý organ­darynyń úlesine tıip otyr­ǵanyn aıtpaı ketýge bolmaıdy. Atap aıtqanda, bıylǵy jyldyń ózinde alaıaqtyq áreketterge baılanysty 11 qylmystyq oqıǵa, memlekettik qyzmettegi mamandardyń laýa­zymdy ókilettikterin asyra paı­dalanýyna qatysty 25 qyl­mys jáne sondaı-aq, bıýdjettik qar­jyny qymqyrýdyń 43 oqıǵasy oryn alǵan. Ashyǵyn aıtsaq, Agroónerkásip kesheni oblystyq ınspektsııasynyń jetekshisi K.Fedotovanyń is-saparǵa barǵan qyzmetkerlerdiń esepshotyna memlekettiń 200 myń teńgesin zańsyz aýdarǵany, Pavlodar oblystyq toǵaı sharýashylyǵy jáne janýarlar álemi aýmaqtyq ınspektsııasynyń bastyǵy M.Qa­natbaevtyń osyndaǵy ma­mandarmen birlesip, brako­nerlikpen aýlanǵan balyqtardy oblys aýmaǵyna taratýǵa «qam­qorlyq» jasaǵany úshin brako­ner­lerden aı saıyn 100 myń teńge kóleminde zańsyz qarjy alyp otyrǵandyǵy anyqtaldy. Sondaı-aq, osy basshynyń «Ertis ormany» respýblıkalyq memle­kettik mekemesiniń basshysy K.Qusaıynovtan jalpy somasy 100 myń teńge kólemindegi janar-jaǵarmaıdy para retinde alǵany belgili boldy. Sóıtip, Pavlodar oblystyq sybaılas jemqorlyqqa qarsy is-qımyl agenttigi qyzmet­kerleriniń usynysy boıynsha M.Qanatbaev tutqyndalyp, ol zańsyz jasaǵan qylmystyq áreketteri úshin qatań jazalandy, - deıdi Pavlodar oblysy boıynsha korrýptsııaǵa qarsy is-qımyl jónindegi ulttyq bıýro departamentiniń resmı ókili Samal Ahmedıanova.
Ulttyq bıýronyń resmı ókili Samal Ahmedıanovanyń aı­týynsha, mundaı zańsyz oqıǵalar Pavlodar oblysy aýmaǵynda da kezdesip, sybaılas jemqorlyqqa qarsy is-qımyl Ulttyq bıýrosy oblystyq departamentiniń qyz­metkerleri olardyń áreket­terin áshkerelep, tosqaýyl qoıa bilýde. Departament qyzmetkerleri júr­gizgen is-sharalardyń nátı­jesinde, Densaýlyq saqtaý jáne áleýmettik damý mınıstrligine qarasty «Esirtkiniń medıtsı­nalyq-áleýmettik problemalary respýblıkalyq ǵylymı-tájirı­belik ortalyǵy» memlekettik me­kemesi dırektorynyń minde­tin atqarǵan N.Imanberdıevtiń «Salamatty Qazaqstan» mem­lekettik baǵdarlamasyn júzege asyrýǵa bólingen qarjyny qalaı talan-tarajǵa salǵany tolyq anyqtalyp, onyń ózi jáne sybaılastary zań boıynsha ádil jazalandy. Máseleniń anyǵyn aıtsaq, Imanberdıev memlekettik satyp alý jáne medıtsına ma­mandaryn oqytý, qaıta daıyndaý boıynsha qol qoıylǵan kelisim-sharttardyń árqaısy­synan 10 - 25 paıyzǵa deıin para retinde (otkat) alyp kelipti. Sóıtip, ol shaǵyn jáne orta kásip ókilde­rinen jalpy kólemi 266 myń teńgeni «sýyryp» alǵan kórinedi. Ol ol ma, arnaıy júrgizilgen tergeý-tekserý sharalary bary­synda Imanberdıevtiń laýa­zymdy ókilettigin paıdalan otyryp kerekýlik kásipkerlerden 475 myń teńgeden astam para alǵany da áshkerelendi. Bul onyń qylmysynyń tek bir parasy ǵana.
- Qazirgi kúni N.Imanber­dıevtiń óte óreskel qylmys jasap, memleketke orasan zor kólemde shyǵyn keltirgeni naqty dáleldendi. Jasaǵan qylmystary úshin oǵan sot sheshimimen 14 mıllıon 396 myń teńge aıyppul salynyp, ómir boıy memlekettik qyzmet atqarý quqyǵynan aıyryldy. Utymdy is-qımyl jaǵdaıynda «Baıanaýyl aýdandyq Jer qatynastary bólimi» mem­lekettik mekemesiniń bastyǵy M.Abylaıhanov 250 myń teńge para alyp jatqan sátinde qu­ryqtaldy. Bul is qazir jan-jaqty tergelýde. Kúdikti 540 myń teńge kepil-aqsha tólep, úıine jiberil­di. Bul bir ǵana mysal. Jalpy, ob­lys aýmaǵynda bizdiń depar­tament qyzmetkerleriniń tergeý-tekserýi nátıjesinde 29 qyl­mystyq is tirkelip, onyń alta­ýynyń shaǵyn jáne orta kásipkerlikke qatysty ekendigi anyqtaldy. Sońǵy ýaqytta quqyq qorǵaý salysy qyzmetkerleri de paraǵa áýes bolyp barady. Mysaly, Pav­lodar qalalyq ІІD jergilikti polıtsııa qyzmetiniń ýchaskelik ınspektory K.Rah­manovqa bir adamnyń qalada erkin júrýin qamtamasyz etý maqsa­tynda 200 myń teńge para alǵany úshin sot sheshimimen 12 mıllıon teńge aıyppul salyndy.

Jomart Moldahmetuly