Jemqorlyqqa jol bergen 2 laýazymdy tulǵa ustaldy
ASTANA. QazAqparat - Sybaılas jemqorlyqqa qarsy is-qımyl ulttyq bıýrosy para alǵan 2 laýazymdy tulǵany ustady, dep habarlaıdy QazAqparat.
Atap aıtqanda, atalǵan bıýro málimetterine sáıkes, Aqmola oblysynda qurylystyń merdigerlik shartyn jasaýǵa járdem bergeni úshin 2,5 mln. teńge somasynda páterdi jóndeý túrinde múliktik paıda tapqan Zerendi aýdany ákiminiń orynbasary J.Qalabaevtyń qylmysy áshkerelendi.
Sondaı-aq Almaty qalalyq memlekettik kirister departamenti kedendik baqylaý beketi bóliminiń basshysy S.Shegaı ustaldy.
Ol kásipkerden 5,5 mln. teńge mólsherinde anyqtalǵan keden bajyn óndirip alý jáne qaıta esepteý boıynsha sharalardy qoldanbaý úshin 3 myń AQSh dollaryn para túrinde alǵany úshin kúdikke ilinip otyr.
Qazirgi ýaqytta ekeýi de ustalyp, ýaqytsha oqshaýlaǵyshqa qamaldy. Sotqa deıingi tergeý amaldary júrgizilýde.
