Jemqorlyqqa kúdikti sheneýnikter úshin Atyraý ákimi keshirim surady
ATYRAÝ. QazAqparat - Sybaılas jemqorlyqqa qatysy bar dep kúdik keltirilip otyrǵan sheneýnikter úshin Atyraý ákimi Serik Shapkenov keshirim surady. Bul týraly qala basshysy búgin óziniń Facebook jelisinde jazdy, dep habarlaıdy QazAqparat.
«Men buqaralyq aqparat quraldarynda jáne áleýmettik jelilerde turǵyn úı kommýnaldyq sharýashylyǵy salasy boıynsha eki basshy týraly kóp áńgime tarap jatqandyǵyn bilemin. Qazirgi osy eki basshy da qamaýda jáne olar sot sheshimin kútip otyr. Olardyń qanshalyqty shalys qadam jasaǵanyn sot aıqyndaıdy. Degenmen men qala turǵyndarynan turǵyn úı kommýnaldyq sharýashylyǵy salasyndaǵy basshylardyń quqyq qorǵaý organy ókilderiniń nazaryna ilikkeni úshin keshirim suraımyn. Mundaı jaǵdaı tikeleı basshy retinde maǵan abyroı ákelmeıtinin jaqsy túsinemin. Biz óz aramyzda sybaılas jemqorlyqpen baılanysty zańsyz áreketterge jol bermeýge barymyzdy salamyz»,-dedi S.Shapkenov Facebook áleýmettik jelisindegi qala ákimdiginiń paraqshasynda.
