Jemqorlyqqa qarsy shara qabyldamaǵan kvazımemlekettik sektor basshysy jazalanady
«Zań jobasy Parlament Májilisinde 29 sáýirde birinshi oqylymda maquldanǵan. Zań jobasy sybaılas jemqorlyqqa qarsy is-qımyl salasyndaǵy zańnamany odan ári jetildirýge baǵyttalǵan. Jumys tobynyń zań jobasymen jumys isteýi barysynda depýtattar quqyq qorǵaý organy, arnaýly memlekettik organ qyzmetkeriniń, áskerı qyzmetshiniń qylmys jasaýǵa arańdatqany úshin qylmystyq jaýaptylyqty belgileýdi engizdi. Sondaı-aq, kvazımemlekettik sektor sýbektileriniń basshylaryn sybaılas jemqorlyqqa qarsy is-qımyl boıynsha sharalar qabyldamaǵany úshin jaýaptylyqqa jatatyn sýbektiler qataryna engizý, sybaılas jemqorlyqqa qarsy qyzmettiń jedel-tergeý bólimsheleriniń qyzmetkerlerine turǵyn úı tólemderin belgileý jóninde túzetýlerdi usyndy. Budan basqa, depýtattar zań jobasyn zań tehnıkasynyń talaptaryna sáıkes keltirý boıynsha, sondaı-aq onyń mazmunyn naqtylaıtyn jáne jaqsartatyn túzetýlerdi usyndy», - dedi Májilistiń jalpy otyrysynda depýtat Muhtar Erman.
Zań jobasy boıynsha depýtattar men memlekettik organdar ókilderiniń qatysýymen jumys tobynyń 6 otyrysy ótkizilgen.
«Parlament Májilisiniń komıtetteri atalǵan zań jobasy boıynsha oń qorytyndylaryn usyndy. Zań jobasy boıynsha kelip túsken barlyq usynystar jumys tobynyń jáne komıtettiń otyrystarynda jan-jaqty qaralyp, talqylandy», - dedi ol.
