Jemqorlyqqa qarsy mobıldi toptardyń kómegine eki myń adam júgindi
ASTANA. QazAqparat - Sybaılas jemqorlyqqa qarsy mobıldi toptar shamamen 800 ujymdy aralap shyqty, dep habarlaıdy QazAqparat tilshisi QR Memlekettik ister jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Aıta ketken jón, atalǵan toptar agenttik pen kásipodaqtar federatsııasynyń bastamasymen qurylǵan bolatyn. Ol úshin arnaıy avtobýstar da jasaqtaldy. Mobıldi toptar jergilikti jerde, ásirese, ákimdik, halyqqa qyzmet kórsetý ortalyqtary, ishki ister jáne memlekettik kirister organdary mańaıynda azamattardy qabyldap, jemqorlyqqa qatysty túsindirý sharalaryn ótkizedi. Sol jerde aryz da berýge bolady. Eki aıdyń ishinde mobıldi toptardyń kómegine shamamen 2 myń adam júgindi. 
Al naýryz aıynan beri elimizdiń barlyq aımaqtarynda ótken kezdesýlerge 130 myńnan astam jumysshy qatysty. 
