Jemqorlyqqa qarsy qyzmettiń ardagerleri 2020 jylǵy jumys qorytyndysyn shyǵardy
Ardagerler keńesiniń is-sharasyna sybaılas jemqorlyqqa qarsy is-qımyl agenttiginiń Tóraǵasy Alık Shpekbaev qatysty.
Sonymen qatar, kezdesýge agenttiktiń qurylymdyq bólimsheleriniń basshylary jáne onlaın rejımde aýmaqtyq departamentter men ardagerler keńesiniń oblystyq fılıaldarynyń basshylary qatysty.
Urpaqtar sabaqtastyǵy Sybaılas jemqorlyqqa qarsy qyzmettiń mańyzdy quramdas bóligi bolyp tabylady.
Osyǵan baılanysty, 2020 jylǵy shildede Sybaılas jemqorlyqqa qarsy qyzmettiń ardagerler keńesi quryldy. Keńes músheleri tárbıe jumysyn júrgizý, oqytý, tájirıbe bólisý jáne ádistemelik kómek kórsetý arqyly jeke quram qyzmetiniń tıimdiligin arttyrýǵa belsendi qatysady.
Ardagerler keńesiniń tóraǵasy Rýstam Ibraımov 2020 jyldyń qorytyndysyn shyǵara otyryp, osy baǵyttardaǵy jumys nátıjeleri týraly habardar etti. Sondaı-aq aǵymdaǵy jylǵa jumystyń negizgi basymdyqtary belgilendi. Sonymen qatar, kezdesý barysynda Qyzylorda, Pavlodar oblystary jáne Shymkent qalasy boıynsha aýmaqtyq fılıaldar tóraǵalarynyń baıandamalary tyńdaldy.
Alık Shpekbaev ardagerler uıymdarynyń basshylaryn antıkordyń halyqaralyq yntymaqtastyq salasyndaǵy bastamalarymen tanystyrdy, Qazaqstan Respýblıkasynyń zańnamasyn jetildirý, qyzmetkerlerdiń áleýmettik qorǵalýyn arttyrý, memlekettik qyzmetshilerdiń sybaılas jemqorlyq quqyq buzýshylyqtaryn jasaǵany úshin jaýapkershiligin kúsheıtý boıynsha júrgizilip jatqan jumystarǵa jeke toqtaldy.
Kezdesý sońynda ardagerler keńesiniń qyzmetin jetildirý boıynsha usynystar engizildi.
Kezdesýge qatysýshylar agenttik janyndaǵy konsýltatıvtik-keńesshi organdarmen, «Adaldyq alańy», «Adal kómek» jobalyq keńselerimen, arnaıy monıtorıngtik toppen, respýblıkalyq aqparattyq-aǵartýshylyq shtabpen ardagerlerdiń yntymaqtastyq máselelerine erekshe nazar aýdardy.
Sondaı-aq, ardagerler keńesimen Sybaılas jemqorlyqqa qarsy qyzmet ardagerleriniń tájirıbesin jas qyzmetkerlerge ádistemelik kómek kórsetý, olardyń arasynda adal jáne minsiz qyzmet qundylyqtaryn nasıhattaý úshin, Agenttiktiń sybaılas jemqorlyqqa qarsy is-qımyl jáne quqyq qorǵaý qyzmetin ótkerý salasyndaǵy zań shyǵarýshylyq qyzmetine belsendi qatysý úshin keńinen qoldanýdy sheshti.
