Jemqorlyqqa qarsy kúres qyzmetkeri sybaılastyq jasady degen kúdikke ilikti
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qyzmetkeri laýazymyn teris paıdalandy degen kúdikpen ustaldy, dep habarlaıdy QazAqparat tilshisi agenttiktiń baspasóz qyzmetine silteme jasap.
«2018 jylǵy 26 mamyrda Sybaılas jemqorlyqqa qarsy is-qımyl qyzmetiniń ishki qaýipsizdik basqarmasy men UQK Qaraǵandy oblystyń departamenti qyzmetkerleriniń birlesken sharalarynyń nátıjesinde memleket qarajattaryn jymqyrýǵa qatysy bar kommertsııalyq qurylymdarǵa zańsyz qoldaý kórsetti degen kúdikpen Sybaılas jemqorlyqqa qarsy is-qımyl ulttyq bıýrosynyń Qaraǵandy oblystyq departamentiniń Balqash óńiri boıynsha sybaılas jemqorlyqqa qarsy is-qımyl jónindegi aýdanaralyq bóliminiń basshysy ustaldy», - delingen Agenttiktiń Feısbýktegi resmı paraqshasynda.
