Jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy taǵaıyndaldy

ASTANA. QAzAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń 2016 jylǵy 21 qazandaǵy buıryǵymen Bergen y Bespalınov QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy, Ádep jónindegi keńes tóraǵasy bolyp taǵaıyndaldy. Bul týraly agenttiktiń baspasóz qyzmeti habarlady.

Bergen Maratuly 1979 jyly Soltústik Qazaqstan oblysynda dúnıege keldi.

2001 jyly E.A.Bóketov atyndaǵy Qaraǵandy memlekettik ýnıversıtetin «Saıasattanýshy» mamandyǵy boıynsha, 2004 jyly  E.A. Bóketov atyndaǵy Qaraǵandy memlekettik ýnıversıtetin «Zańger» mamandyǵy boıynsha, 2013 jyly Gýmanıtarly-tehnıkalyq akademııany «Ekonomıka jáne bıznes bakalavry» mamandyǵy boıynsha bitirdi.

B. Bespalınov RF Prezıdentiniń janyndaǵy Reseı halyq sharýashylyǵy men memlekettik qyzmeti akademııasynda, sonymen qatar, QR Prezıdenti janyndaǵy memlekettik basqarý akademııasynda oqydy.

Memlekettik qyzmet salasyndaǵy eńbek jolyn 2002 jyly bastady jáne sodan keıingi 9 jyl ishinde Aqmola oblysy Zerendi aýdany ákiminiń kómekshisi,  Aqmola oblysy Ereımentaý aýdany ádilet basqarmasynyń basshysy, QR Memlekettik qyzmet isteri agenttiginiń Aqmola oblysy boıynsha departamentinde bólim basshysy, Tártiptik keńes hatshylyǵynyń meńgerýshisi laýazymdarynda qyzmet etti.

2011-2015 jyldar aralyǵynda - Aqmola oblysy boıynsha Tekserý komıssııasynyń múshesi.

2015-2016 jyldar aralyǵynda - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti basshysynyń orynbasary - Tártiptik keńes tóraǵasy.

2016 jyldyń qańtar-qazan aılary aralyǵynda - Qazaqstan Respýblıkasy Memlekettik qyzmet isteri mınıstrliginiń Qostanaı oblysy boıynsha departamentiniń basshysy - Ádep jónindegi keńes tóraǵasy qyzmetterin atqardy.