Jemqorlyqqa qarsy is-qımyl agenttigi tóraǵasynyń orynbasary Qyzylorda óńirinde boldy
QYZYLORDA. QazAqparat-Búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaev jumys saparymen Qyzylorda oblysyna keldi.
Sapar barysynda agenttik tóraǵasynyń orynbasary «Nur Otan» partııasynyń Qyzylorda oblystyq fılıalynyń ǵımaratynda azamattardy jeke máseleleri boıynsha qabyldady.
Qabyldaýǵa kelgen turǵyndar negizinen memlekettik qyzmetke kirý, quqyq qorǵaý organdaryna kadr daıyndaý, múmkindigi shekteýli jandar úshin kedergisiz orta qalyptastyrý, memlekettik kórsetiletin qyzmetterdiń sapasy, sonymen qatar, oblysymyzda memlekettik mekemeler jumysyna qatysty máseleler tóńireginde saýaldar qoıdy.
Óz kezeginde Shpekbaev turǵyndardyń suraqtaryna jaýap berip, kóterilgen keıbir máselelerdiń zań aıasynda qaralatynyn jetkizdi.
Jeke qabyldaýdan keıin Agenttik Tóraǵasynyń orynbasary Qyzylorda qalasyndaǵy Halyqqa qyzmet kórsetý ortalyǵynda bolyp, mekemeniń jumysymen tanysty.
