Jemqorlyq jasaǵandardyń tizimi jalpyǵa qoljetimdi bolady

Sybaılas jemqorlyqqa qarsy qyzmet jemqorlardyń jarııa tizilimin engizýdi josparlap otyr. Tizilimde jemqorlyq úshin sottalǵan adamnyń barlyq derekteri qamtylady, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmeti.

Bul jumys berýshilerge áleýetti úmitkerdi tazalyq pen adaldyqqa tekserýge múmkindik beredi.

Jemqorlyqqa qarsy saıasatty jetildirýge baǵyttalǵan zańnamalyq bastamalar Shyǵys Qazaqstan oblysyndaǵy Sybaılas jemqorlyqqa qarsy is-qımyl agenttiginiń Qoǵamdyq keńesiniń otyrysynda aıtyldy.
Jemqorlyq quqyq buzýshylyqtar jasaǵany úshin zańdy tulǵalardyń jaýapkershiligin kúsheıtý usynyldy.
Sondaı-aq, Parlamentte para berý ýádesi men usynysyn krımınalızatsııalaý máselesi qaralýda.
Para berý usynysy dep aýyzsha nemese jazbasha, onyń ishinde elektrondyq nysanda para berý týraly anyq jáne túsinikti sóz, al para berý ýádesi dep para berý ýaqyty, orny, tásili týraly habarlamasy bar osyndaı sóz túsiniletin bolady.
Zańdarǵa engizilgen bul ózgerister jemqorlyqqa qarsy is-qımyl máselelerine eleýli úles qosady. Sonymen qatar, olar GREKO, EYDU sııaqty bedeldi halyqaralyq uıymdardyń usynysy boıynsha daıyndalǵan.