Jemqorlyq jasaǵan birqatar laýazymdy tulǵalar sottaldy
QR Sybaılas jemqorlyqqa qarsy is-qımyl agenttiginiń málimetinshe, Jambyl oblysynyń sybaılas jemqorlyqqa qarsy qyzmeti alaıaqtyq jasady degen kúdikpen Aqmola oblystyq ekonomıkalyq tergeý qyzmetiniń tergeýshisi (aǵa leıtenant) K.Kóbegenevke, 82796 á/b 2-shi aýyr-gaýbıtsa artıllerııasy dıvızıonynyń komandıri maıor R.Bastybaevqa jáne azamat B.Aǵdavletovke qatysty sotqa deıingi tergeýdi aıaqtaǵan. Olar osy áskerı bólimniń 8-shi aýyr-gaýbıtsa artıllerııasy batareıasynyń komandıri kapıtan B.Muratulynan 9 mln 106 myń teńgeniń 1 mln 700 myń teńgesin alaıaqtyq jolmen alý kúdigine ilikken. Kúdiktiler aqshany kapıtannyń ústinen tergeletin qylmystyq iste máseleni oń sheshýge járdem kórsetý jeleýimen alǵan. Bul rette azamat Aǵdavletov prokýratýra organdarynyń qyzmetkeri atyn jamylyp áreket etken.
Aǵymdaǵy jyldyń 30 qazanynda Almaty garnızony áskerı sotynyń úkimimen Kóbegenov 7 jylǵa bas bostandyǵynan jáne biliktilik synybynan aıyryldy. Osy úkimmen Bastybaev «maıor» áskerı ataǵynan aıyryp, 5 jylǵa bas bostandyǵy shekteldi jáne Aǵdavletovke 4,5 jylǵa bas bostandyǵynan aıyrý jazasy taǵaıyndaldy.
Atalǵan tulǵalar memlekettik qyzmette laýazymdy qyzmetpen aınalysý quqyǵynan ómir boıyna aıyryldy.
