Jemqorlyq jasaǵan 200-ge jýyq laýazym ıeleri qylmystyq jaýapkershilikke tartyldy
ASTANA. QazAqparat - 2013 jyly jalpy sybaılas jemqorlyq jasaǵany úshin ár túrli deńgeıdegi 200-ge tarta basshy qylmystyq jaýapkershilikke tartyldy. Bul týraly búgin Astanada Ortalyq kommýnıkatsııalar qyzmetinde QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń birinshi orynbasary Andreı Lýkın málim etti.
«Qarjy polıtsııasynda birinshi kezekte onyń jumysyn baǵalaıtyn kórsetkishter qaıta qaraldy. Sapa emes, san qýýdan bas tartyp otyrmyz. Bul kúsh-qýatymyzdy júrgizilip otyrǵan jumystyń sapasyna baǵyttaýymyzǵa múmkindik berdi», - dedi atap ótti ol.
Onyń aıtýynsha, sonyń arqasynda 2012 jylmen salystyrǵanda, ótken jyly jemqorlyq qylmystar jasaǵan úshin jaýapkershilikke tartylǵan tulǵalardyń sany úshten birge artqan.
«2013 jyly qylmystyq jaýapkershilikke QR Bilim jáne ǵylym vıtse-mınıstri S. Shaıahmetov, QR Aýyl sharýashylyǵy vıtse-mınıstri M. Ómirııaev, QR Energetıka jáne mıneraldy resýrstar mınıstrliginiń Geologııa jáne jer qoınaýyn paıdalaný komıteti tóraǵasynyń orynbasary M.Sádýaqasov, «Qazaqstan Ǵarysh Sapary» Ulttyq kompanııasynyń prezıdenti G. Myrzaqulov, Pavlodar oblysy ákiminiń keńesshisi T. Bastenov, QR TJM Memlekettik materıaldy rezervter jónindegi komıtettiń «Rezerv» RMK Paıdalaný jáne kapıtaldy qurylys basqarmasynyń bastyǵy M. Bilálov jáne taǵy basqa birqatar laýazymdy tulǵalar tartyldy», - dedi ol.
Qylmystardyń basym bóligi ókilettiligin teris paıdalaný, paraqorlyq, qyzmettik jalǵandyq jasaý, bıýdjet qarajatyn urlaý faktilerine qatysty bolyp otyr.
