Jemqorlyq jalpy qoǵam úshin adam tózgisiz bolýy tıis -Elbasy
ASTANA. Qyrkúıektiń 16-sy. QazAqparat /Ernur Aqanbaı/ - Jemqorlyq jalpy qoǵam úshin adam tózgisiz bolýy tıis. Búgin Astanada ashylǵan Jemqorlyqqa qarsy halyqaralyq konferentsııada Elbasy Nursultan Nazarbaev osylaı málimdedi,
dep habarlaıdy QazAqparat.
«Tipti para alý kerek pe, joq pa degen oı árbir azamattyń sana-seziminde áp-sátte jıirkenish shaqyrýy tıis. Buǵan qol jetkizý bárinen de qıyn. Sebebi bul jerde quqyqtyq mádenıettiń barynsha joǵary deńgeıi men belgili bir tájirıbe jaıynda sóz bolyp otyr. Buǵan azamattardy bala-shaǵynan bastap tárbıeleý qajet», dedi N. Nazarbaev.
Elbasynyń pikirinshe, osy ıgilikti jumysta memleket azamattyq qoǵammen, parııalarmen, úkimettik emes uıymdarmen, buqaralyq aqparat quraldarymen tize biriktire otyryp alǵa jyljýy tıis.
