Jemqorlyq týraly otbasydan, mektep qabyrǵasynan bastap aıtý kerek – Baqytbek Smaǵul
«Jemqorlyq joıylsa – halyqtyń ál-aýhaty da jaqsarady. Memleket basshysy Halyq únine qulaq asatyn memleketke ún qosý kerektigin aıtqan. Qazirgi ýaqytta Ulttyq keńestiń aıasynda kóptegen mınıstrlikpen tikeleı baılanysqa shyǵyp, máselelerdi kóterip jatqan azamattardy bilemiz. Buryn aryz-shaǵym jazǵan kezde kóbinese «Bul suraq bizdiń mekemeniń quziretinde emes» dep jaýap beretin. Mundaı jaýap «Halyq únine qulaq asatyn memleket» qaǵıdatyna qaıshy keledi. Osyndaı máseleler ashyq dıalog, ashyq alań, onlaın portal arqyly sheshiletin bolsa – elimizdiń azamattary munshama sergeldeńge túspes edi», - deıdi QR Parlamenti Májilisiniń depýtaty Baqytbek Smaǵul.
Onyń aıtýynsha, Táýelsizdik alǵan jyldary Qazaqstan qarýly kúshterinde sybaılas jemqorlyqqa qatysty kóp jaǵdaı oryn alǵan.
«Qazirgi ýaqytta olardyń bári jazasyn alýda. Al aýǵan soǵysyna keletin bolsam, jaýyngerler patrıotızmdi, Otan aldyndaǵy antqa adaldyqty bárinen bıik qoıyp otyrdy. Qazaqstandyq jaýyngerlerdiń eshqaısysy qolǵa túsip nemese satqyndyq jasaǵan emes. Ókinishke qaraı, kóptegen laýazymdy azamattarymyz qazirgi ýaqytta jemqorlyqpen abaqtyda otyr. Árbir azamat tazalyqty, ardy joǵary qoıyp, qyzmet etse degen oıymyz bar. Jemqorlyqtyń tamyry tereńge jaıylyp ketpes úshin bul týraly otbasydan, mektep qabyrǵasynan bastap aıta berý kerek. Іndetpen kúresi – biz úshin mindet», - deıdi ol.
