Jemqorlyq týraly málimet bergen astanalyqtarǵa qansha syıaqy tólendi

NUR-SULTAN. QazAqparat – Jyl basynan beri jemqorlyq týraly málimet bergen 6 astanalyqqa memleket syıaqy tólegen. Bul týraly Nur-Sultan qalasy sybaılas jemqorlyqqa qarsy is-qımyl departamentiniń basshysy Shyńǵys Qabdýla málim etti, dep habarlaıdy QazAqparat tilshisi.

«Sybaılas jemqorlyqqa qarsy is-qımyl salasyndaǵy zańnama boıynsha jol bergen mekemelerge qylmystyq ister aıasynda jemqorlyqqa júıedegi olqylyqty joıý týraly usynymdar engiziledi. Memlekettik organdardyń nazaryna osy mándegi 38 usynym joldandy. Onyń 34-i jaýapty organdar qarap úlgerdi. Biz joldaǵan usynymdardy qaraýdyń qorytyndysynda 24 laýazymdy tulǵa tártiptik jaýapqa tartylyp, ekeýi qyzmetinen bosatyldy. Sondaı-aq, 4 adam memlekettik qyzmetten qýyldy. Osy 24 adamnyń ishinde túrli deńgeıdegi 9 basshy, ortalyq býyndaǵy jetekshiler bar», - dedi Shyńǵys Qabdýla Astana Adaldyq Alańy jobalyq keńsesinde ótken onlaın brıfıngide.

Sondaı-aq, ol sybaılas jemqorlyqpen kúreske atsalysqan turǵyndardy yntalandyrý sharalary týraly da málimet usynyldy.

«Paraqorlyq týraly túsken habar rastalyp, sot úkimi kúshine engennen keıin málimet bergen adamǵa para somasynyń 10 paıyzy kóleminde syıaqy beriledi. Biraq onyń mólsheri 3000 AEK- ten aspaýy kerek. ıAǵnı, jasalǵan qylmystyń aýyrlyǵyna baılanysty 7,6 mln teńgege deıin syıaqy tólenedi. Bıylǵy 10 aıdyń qorytyndysy boıynsha elorda boıynsha 6 adam syıaqy aldy. Olarǵa tólengen syıaqy mólsheri ázirge 2 mln teńgeden asty», - dedi departament basshysy.