Jemqorlyq týraly habarlaǵan qazaqstandyqtar 14 mln teńge syıaqy aldy

NUR-SULTAN. QazAqparat – 2020 jyly jemqorlyq faktileri jaıly habar bergen 87 qazaqstandyqqa 13,7 mln teńge aqshalaı syıaqy berildi. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bekaıdarov málim etti, dep habarlaıdy QazAqparat tilshisi.

«Óz tarapymyzdan jemqorlyq faktteri týraly habar bergen nemese qylmysty ashýǵa atsalysqan azamattarǵa aqshalaı syıaqy beriletinin eske salǵym keledi. Aıyptyǵa qatysty sot úkimi men qaýlysy shyqqan kezde ǵana aqsha beriledi», - dedi Danııar Bekaıdarov agenttiktiń búgingi «Antıkor LIVE» aıdarynda.

Onyń aıtýynsha, bıylǵy bes aıda jemqorlyq týraly habar bergen 87 adam 13 mln 776 myń teńge berilgen.