Jemqorlyq týraly habardar etkenderdi qarjylaı yntalandyrýdyń naqty tetigi bolady - Qarjy polıtsııasy
ASTANA. 27 maýsym. QazAqparat - Sybaılas jemqorlyqqa qarsy kúres zańnamasynda osy qylmystar týraly habardar etken azamattardy yntalandyrý tetigi bar.
Búginde biz onyń naqty mehanızmin ázirlep, el Úkimetine joldadyq. Bul týraly búgin jýrnalısterge suhbat bergen QR Ekonomıkalyq qylmys jáne sybaılas jemqorlyqqa qarsy kúres agenttigi (Qarjy polıtsııasy) tóraǵasynyń birinshi orynbasary Andreı Lýkın málim etti.
Onyń habarlaýynsha, jańa júıege sáıkes, sybaılas jemqorlyqpen kúres jolynda quqyq qorǵaý organdaryna kómektesetin azamattardy qarjylaı yntalandyrýdyń birneshe deńgeıi bolady. «Yntalandyrý syılyǵy qylmystyń aýyrtpalyǵyna qaraı anyqtalady. Demek, jemqorlyq sıpaty bar jeńil, orta jáne aýyr qylmystar úshin ártúrli syıaqylar beriletin bolady. Menińshe, Úkimet osy júıeni qoldaıtyn bolsa, halyqtyń sybaılas jemqorlyqqa qarsy kúres jolyndaǵy belsendiligi arta túsedi», - deıdi A.Lýkın.
