Jemqorlyq týraly aqparat bergenderge 25 mln teńge tólendi
ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttigi para alý faktileri týraly málimetter bergenderdi yntalandyrýǵa qansha qarjy jumsalǵanyn jarııalady, dep habarlaıdy QazAqparat tilshisi.
«Osy salalardyń barlyǵynda Agenttik qoǵamdyq uıymdar, sarapshylar qoǵamdastyǵy jáne múddeli memlekettik organdarmen birlesip keshendi aldyn alý sharalaryn júrgizgendigin taǵy da atap ótemin. Tirkelgen jemqorlyq qylmystarynyń birqatary jaǵdaıǵa beı-jaı qaramaǵan azamattardyń ótinishi arqyly anyqtaldy», - dedi atalǵan agenttiktiń resmı ókili Janna Bastarova.
Onyń sózine qaraǵanda, bıyl sybaılas jemqorlyq faktileri týraly rastalǵan habarlamalary úshin 180 azamat 25,8 mln teńgege yntalandyryldy. Tólenetin osy yntalandyrý syıaqysy anyqtalǵan quqyq buzýshylyqtyń aýyrlyǵyna qaraı beriledi.
«Jergilikti jáne ortalyq memlekettik organdardyń sybaılas jemqorlyqtyń aldyn alý boıynsha jumys sapasynyń artýy eleýli áser etti. Sonymen qatar, azamattyq baqylaý, barlyq maqsatty toptarmen keń kólemdi aqparattyq-túsindirmelik jumystar boıynsha óńirlik úkimettik emes uıymdarynyń belsendi jandanýy jaǵdaıdy jaqsartýdyń mańyzdyǵy az emes faktory boldy», - dedi atalǵan agenttiktiń resmı ókili Janna Bastarova.
Budan buryn habarlanǵandaı, bilim berý salasynda jemqorlyq faktileri tómendedi.
