Jemqorlyq týraly aqparat bergen adam qansha syılyqaqy alady

KÓKShETAÝ. QazAqparat - Aqmolalyqtardyń 74 paıyzy sybaılas jemqorlyqty jarııa etýge daıyn, dep habarlaıdy QazAqparat tilshisi.
None
None

Aqmola oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamentiniń qyzmetkerleri oblys turǵyndary arasynda adaldylyq taqyrybynda anonımdi túrde onlaın saýlnama júrgizdi.

Vedomstvonyń baspasóz qyzmetiniń habarlaýynsha, saýalnama qorytyndysyna sáıkes aqmolalyqtardyń 74 paıyzy sybaılas jemqorlyqty jarııa etýge daıyn ekeni anyqtaldy.

«Al 77 paıyz adam «Óz máseleńdi sheshý úshin para berýge daıynsyz ba?» degen suraqqa «joq» dep jaýap berdi. «Syıbaılas jemqorlyqtyń kýgeri bolǵan kezde habarlaýǵa daıynsyz ba?» degen saýalǵa keletin bolsaq, aqmolalyqtardyń 74 paıyzy syıbaılas jemqorlyqty jarııa etýge daıyn ekeni anyqtaldy. Qalǵan 7 paıyzy «joq», 19 paıyzy «qalys qaldy. Jalpy, saýalnamaǵa 477 respondent qatysty. Saýalnama sońynda syıbaılas jemqorlyqty aldyn alý boıynsha túsindirý sharalary qolǵa alyndy. Sondaı-aq, syıbaılas jemqorlyq týraly aqparat bergen azamattarǵa kótermeleý syılyqaqysy qarastyrylyp otyrǵandyǵy aıtyldy», - delingen vedomstvonyń habarlamasynda.

Aıta keteıik, sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdardy kótermeleý birjolǵy aqshalaı syılyqaqy kólemi men tóleý tártibi QR Úkimetiniń qaýlysymen bekitilgen.

Birjolǵy aqshalaı syılyqaqy kólemi sybaılas jemqorlyq quqyq buzýshylyqtar týraly ákimshilik ister boıynsha - 30 aılyq eseptik kórsetkish (budan ári - AEK), onsha aýyr emes sybaılas jemqorlyq qylmystar týraly qylmystyq ister boıynsha - 40 AEK, aýyrlyǵy ortasha sybaılas jemqorlyq qylmystar týraly qylmystyq ister boıynsha - 50 AEK, aýyr sybaılas jemqorlyq qylmystar týraly qylmystyq ister boıynsha - 70 AEK, asa aýyr sybaılas jemqorlyq qylmystar týraly qylmystyq ister boıynsha - 100 AEK túrinde bekitilgen.

Osyǵan baılanysty, Aqmola oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamenti turǵyndarǵa belsendilik tanytyp, oǵan qatysty aqparatty 1424 telefon nómiri boıynsha Call-ortalyqqa habarlasýdy suraıdy.

Сейчас читают