Jemqorlyq qylmys jasaǵan adamdy jumysqa alǵan basshyǵa qandaı jaza qoldanylady
«Sybaılas jemqorlyqqa qarsy is-qımyl agenttiginiń ortalyq apparatymen birge astana ákimdiginiń qyzmetindegi sybaılas jemqorlyq táýekelderi týraly syrtqy taldaý jasadyq. Osy taldaý qorytyndysy boıynsha ákimdikke baǵynyshty qurylymdardyń qyzmetindegi táýekelderdi joıýdyń jospary bekitiledi», - dedi ol Astana Adaldyq Alańy jobalyq keńsesinde ótken onlaın brıfıngide.
Departament basshysnyń sózinshe, sáýir aıynda Ákimshilik quqyq buzý tarly zańǵa túzetýler men ózgerister engizilgen. Osy ózgertýler aıasynda sybaılas jemqorlyqqa qarsy qyzmettiń quzyryna 15 túrli quqyq buzý normasy berilgen.
«Osy zań jobasy kúshine engen sátten beri 8 tulǵa jaýapqa tartyldy. Onyń ishinde 5 memlekettik qyzmetshi, 3 jeke tulǵa bar. Solarǵa salynǵan aıyppuldan bıýdjetke 2,1 mln teńge tústi.
Mysaly, 5000 teńge kóleminde materıaldyq syıaqy alǵany úshin Ádilet departamentiniń qyzmetkeri ákimshilik jaýapqa tartylyp, 300 AEK kóleminde aıyppul tóledi. Jýyqta ǵana qalalyq bilim basqarmasynyń basshysy jumystan qýylǵany habarlandy. Ol buryn syıbaılas jemqorlyq qylmysyn jasaǵan adamdy jumysqa alǵany úshin jaýapqa tartyldy. Buǵan qosa oǵan 100 AEK kóleminde aıyppul salyndy», - dedi Shyńǵys Qabdýla.