Jemqorlyq qoǵamnyń barlyq salasynda etek jaıǵan – qoǵam qaıratkeri
«Keshegi Prezıdenttiń qatysýymen ótken shara mańyzdy. Sebebi qańtar oqıǵasynyń bolýyna áleýmettik túıitkilder ǵana emes, sybaılas jemqorlyqtyń da áseri bar. Sybaılas jemqorlyq qoǵamdaǵy barlyq sala boıynsha etek jaıǵan. Eger sybaılas jemqorlyqpen kúres agenttiginiń osyǵan deıingi jumys tájirıbesine qarasaq. Ekonomıkalyq yntymaqtasty jáne damý uıymy elderimen jemqorlyqpen birlesip kúresý jónindegi kelisim, basqa da halyqaralyq qaýymdastyqtardyń tájirıbesi qolǵa alyndy. ıAǵnı sońǵy jyldary sybaılas jemqorlyqpen kúres jolynda aıtarlyq jumys istelindi», - dedi A. Soloveva.
Sondaı-aq, qoǵam qaıratkeri agenttiktiń jemqorlyqpen kúreste qoǵammen jumysyna qatysty oıyn ortaǵa saldy.
«Sybaılas jemqorlyqqa qarsy agenttiktiń qarjylyq baqylaý týraly bekitýsiz qoly baılaýly boldy. ıAǵnı eshqandaı tergeý júrgize almaıdy. Agenttiktiń qazirgi basshysy Marat Ahmetjanovtyń qarjylyq baqylaý júrgizýge ruqsat berýdi suraǵany esimde. Agenttik janynda arnaıy monıtorıngtik top jumys istedi. Atalǵan toptyń mindeti belgili bir obekti nemese sýbektiniń qyzmetin tekserý. Buryn bul top ákimdikterge qarady, al qazir ony óz erkine qoıa berdi. Sondaı-aq, arnaıy qurylǵan monıtorıngtik top ekonomıkalyq yntymaqtasty jáne damý uıymy elderimen tyǵyz jumys istedi. Atalǵan uıymǵa múshe elderdiń jemqorlyqpen kúres tájirıbesi men zańdaryna taldaý jasady. Sol sııaqty agenttik basshysynyń aıtýynsha, sot júıesine ózgeris kerek. Eger sotqa ózgeris engizbese agenttik júrgizgen qandaı reforma bolsyn nátıje bermeıdi», - deıdi ol.
Aıta keteıik, keshe Memleket basshysy Qasym-Jomart Toqaev sybaılas jemqorlyqqa qarsy is-qımyl máseleleri jónindegi keńes ótkizdi.