Jemqorlyq faktileri týraly habarlaǵan adamdarǵa 2 jylda 58,9 mln teńge tólengen

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń aýmaqtyq organdary 2019 jyldan beri jemqorlyq faktisi týraly málimet bergen 396 adamǵa 58,9 mln teńge syıaqy tólegen, dep habarlaıdy QazAqparat tilshisi.

«Sybaılas jemqorlyqqa qarsy qyzmettiń aýmaqtyq organdary jeqorlyq faktisin habarlaǵan 396 azamatty jalpy somasy 58,9 mln. teńgege yntalandyrdy. 2019 jyly – 214 tulǵaǵa 31,8 mln teńge, 2020 jyly 182 tulǵaǵy 27,1 mln teńge tólendi. 2020 jyly kótermelengenderdiń 122-si aýyr qylmystar týraly málimet berdi. Ortasha aýyrlyqtaǵy ister boıynsha 55, shaǵyn-2, ákimshilik quqyq buzýshylyq týraly habarlaǵany úshin úsh adam marapattaldy», - dedi agenttiktiń asa mańyzdy ister boıynsha tergeýshisi Danııar Begaıdarov.

Ol, sondaı-aq, azamattar negizinen para berý jáne alý, deldaldyq, aqsha jymqyrý faktileri týraly habarlaıtynyn jetkizdi. Sonyń arqasynda bıyl laýazymdy tulǵalardyń óz ókilettikterin teris paıdalanýy boıynsha taǵy 5 fakt anyqtalǵan.

«Bıyl ázirge jemqorlyq faktisin málim etken 213 adamdy kótermeleýge bıýdjetten 33,9 mln teńge bólindi», - dedi vedomstvo ókili.