Jemqorlyq deńgeıi joǵary óńirler ataldy

ASTANA. QazAqparat - Aǵymdaǵy jyldyń segiz aıynda Qazaqstanda 813 adam jemqorlyq faktisimen jaýapqa tartyldy.  Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova aıtty, dep habarlaıdy QazAqparat tilshisi.

Resmı ókildiń aıtýynsha, aǵymdaǵy jyldyń 8 aıynda elimizde 1393 jemqorlyq qylmysy tirkelgen. Olardyń basym bóligi, atap aıtqanda 112-si elordada anyqtalǵan.

«Óıtkeni, memlekettik qyzmetishlerdiń basym bóligi Astanada turyp, jumys isteıdi. Bul jerde barlyq memlekettik organdar shoǵyrlanǵan. Munan keıingi orynda Qostanaı men Túrkistan oblystary tur. Bul óńirlerde jasalǵan jemqorlyq qylmystar sáıkesinshe 109 jáne 108-di quraıdy. Jemqorlyqtyń eń tómengi deńgeıi Soltústik Qazaqstan oblysynda tirkelgen. Atalǵan óńirde 8 aıdyń ishinde mundaı 52 quqyqbuzýshylyq oryn alǵan», - dedi ol.

Onyń dereginshe, jemqorlyq  faktisi úshin jaýapqa tartylǵan 813 adamnyń 653-i erler, 160-sy áıelder.

«Jemqorlyq qylmys jasaǵany úshin respýblıkalyq deńgeıdegi - 19, oblystyq deńgeıdegi - 62 jáne aýdandyq deńgeıdegi 115 basshy jaýapkershilikke tartyldy», - dedi Janna Bastarova.

Sonymen qatar resmı ókil 8 aıdyń ishinde Ulttyq bıýro 400-ge jýyq  bıznestiń quqyǵyn qorǵaǵandyǵyn atap ótti.