Jemqorlyq daýyna qalǵan Zerendiniń ákimi qyzmetinen ketti

KÓKShETAÝ. QazAqparat - Aqmola oblysy Zerendi aýdanynyń ákimi Berikjan Ábýtálipov óz erkimen qyzmetinen ketti. Bul týraly aýdan ákimi áleýmettik jelidegi paraqshasynda jazdy, dep habarlaıdy QazAqparat tilshisi.

«Meniń óz erkimmen berilgen ótinishime sáıkes aýdan ákimi qyzmetinen kettim. Sizdermen jumys istep, aýdandy damytýǵa belgili bir úlesimdi qosqanym men úshin úlken izet boldy. Qyzmetimdegi basty maqsattarynyń biri etip aýdan turǵyndarynyń ómir sapasyn jaqsartý, týrızmdi, kásipkerlikti damytýdy belgilegenmin, árqashan halyqqa ashyq bolyp, kóterilgen kúrdeli máselelerdi jedel sheshýge tyrystym», -dedi Zerendi aýdanynyń ákimi Berikjan Ábýtálipov.

Eske salsaq, ótken aptada áleýmettik jelilerde jáne aqparat agenttikteriniń saıttarynda jergilikti kásipkerden para alý kezinde Zerendi aýdanynyń ákimi men TKSh bólimi basshysynyń paramen ustalǵany týraly aqparat taraǵan bolatyn.

Jurtty dúr silkindirgen aqparatqa baılanysty ákimdik aýdan basshysynyń ustalǵany týraly aqparattyń shyndyqqa janaspaıtynyn málimdegen edi. Al, TKSh bólimi basshysyna qatysty tergeý amaldary júrip jatqanyn rastaǵan bolatyn.