Jemqorlyq belgileri bar quqyqbuzýshylyqtar jasaǵan tulǵalardy qyzmetinen tómendetý usynyldy
ASTANA. 13 qyrkúıek. QazAqparat - QR Memlekettik qyzmet isteri agenttiginiń Almaty qalasy boıynsha departamentiniń basshysy - Tártiptik keńesiniń tóraǵasy Baqtııar Kamalovtyń tóraǵalyǵymen Tártiptik keńesiniń otyrysy ótti.
«Onda áreketterinde sybaılas jemqorlyqqa qarsy kúres týraly zańnamasymen belgilengen jemqorlyq belgileri bar quqyqbuzýshylyq oryn alǵan bas mamanǵa jáne memlekettik sot oryndaýshylarǵa qatysty Almaty qalasynyń Prokýratýrasy basqarmasynyń tártiptik óndiris qozǵaý týraly qaýlysyna sáıkes, Almaty qalasy sot aktilerin oryndaý departamentiniń jáne Almaty qalasy boıynsha Salyq departamentiniń júrgizilgen qyzmettik tekserý qujattary qaraldy», delingen agenttik málimetinde.
Tártiptik isterdi qaraý nátıjesine oraı, Almaty qalasy sot aktilerin oryndaý departamentiniń basshysyna jemqorlyq belgileri bar quqyqbuzýshylyqtar jasaǵan tulǵalarǵa qatysty qyzmetinen tómendetý, al tómen turǵan bos laýazym bolmaǵan jaǵdaıda qyzmetine tolyq sáıkes emestigi týraly eskertý túrindegi tártiptik jazalardy qoldaný týraly usynystar jiberildi.
Almaty qalasy Jetisý aýdany boıynsha Salyq basqarmasynyń bas mamany - bas salyq ınspektoryna qatysty qujattar, jańadan ashylǵan mán-jaılarǵa baılanysty Almaty qalasy boıynsha Salyq departamentine qosymsha qyzmettik tekserý júrgizýge jiberildi.
